COVID-19:Numeru konfirmadu mantein 24, ema 206 hein rezultadu teste

Porta Voz Sentru Intregadu Jestaun Krize Odete Viegas hatete, to’o agora numeru kazu konfrimadu ba COVID-19 sei mantein 24 no suspeitu 206 mak sei hein rezultadu.

Odete esplika, numeru ne’e sa’e makaas tanb’a ekipa epidomolojia halo ona survey lens ba ema sira ne’ebé halo ona kontaktu ho sidadaun konfirmadu postivu COVID-19 hodi bele halo teste.

“Total teste hamutuk 597, rezultadu pendente 206, ita mos hatene iha Liquisa ita halo hela survey lens sentinel ne’ebé iha numeru ida 36 hasai amostra inklui rezultadu sei hein, kazu konfirmadu mantein 24 no nain nain 2 positivu ho 4 provavel mak rekoperadu, kazu foun laiha,” informa, Odete Viegas iha Centro Convenções Dili, Tersa (28/04/2020).

Odete mos apela ba komunidade sira atu bele kontinua mantein meiu preventiva sira durante tempu Estadu Emerjénsia atu nune’e bele kontribui Governu ba prosesu prevensaun surtu COVID-19.

Tuir dadus ne’ebé fo sai husi Sentru Integradu Jestaun Krize iha loron 28 fulan abril ne’e iha ema nain 367 mak mak hatudu rezultadu teste negativu husi total suspeitu COVID-19 hamutuk 597.Ida