Hafoin atende pasiente COVID-19, pesoal saúde 6 tama kuarentena

Diretora Jerál Prestasaun Saúde, Odete Viegas, informa, pesoal saúde nain 6 ne’ebé durante ne’e, halo atendimentu ba pasiente Corona Virus Disease 2019 (COVID-19) tenke halo kuarentena molok fila ba hamutuk ho família.

“Atu hatete ba públiku katak ita nia doutor no enfermera ne’ebé mak halo atendimentu ba pasiente COVID-19, sira ita izola sira 14 dias, seda’uk bele ba kedas sira nia família,” dehan, Odete Viegas hafoin partisipa iha enkontru Konsellu Ministru iha Centro Convenções Dili, Kuarta (01/04/2020).

Odete esplika, profisionais nain 6 ne’e koloka ona ba kuarentena, no agora seluk mak truka fali sira nia fatin hodi atende pasiente refere.

Relasiona ho pesoal sira iha kuarentena ne’e kompostu husi atendimentu, nutrisain, no promosaun saúde ne’ebé kada fatin bele iha ema nain 3 ou 4 no sira mos uza protesaun hanesan masker no antiseptik.

Tuir planu ba oin wainhira COVID-19 ne’e sae makaas liu tan mak Ministeriu Saúde sei halo rekrutamentu ne’e porvolta rihun ida, tanbá dadaun ne’e kuarentena ne’e rasik halo mos iha munisipiu hotu-hotu.

Total ema ne’ebe halao kuarentena iha fatin 17 inklui iha Uma hamutuk 1.231 no husi numeru refere ema 243 mak konsege pasa ona kuarentena durante loron14.Ida