JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pasiente Covid-19 iha TL maioria feto  Kazu pozitivu aumenta ba ulu

Pasiente Covid-19 iha TL maioria feto 	Kazu pozitivu aumenta ba ulu

Porta Voz Sentru integradu Jestaun Krize (SIJK), Sergio Lobo hatete, dadus ne’ebé fó sai kazu pozitivu Corona Virus Disease 2019 (COVID-19) iha Timor-Leste aumenta tan na’in rua (2), nune’e total kazu ba virus refere sa’e ba na’in 8, maibé na’in ida rekoopera ona.

Hafoin konferensia impresa, Sergio Lobo hatan ba perguntas jornalista JNDiario katak total kazu positivu nebe baixa iha sala izolamentu Sentru Saude Vera Cruz nee maioria feto.

“Tuir dadus iha dia ohin, 15 de abril de 2020, tuku  12:00 suspeitu sira ne’ebé maka halo teste ne’e hamutuk 210, nain 8 iha rezultadu pozitivu konfirmadu, 1 hanesan ita hatene ona nia diak ona, agora halo kuarentena iha uma, nain 7 maka sei halo hela tratamentu iha Vera Cruz ho kondisaun estabil, tuir relatoriu ne’ebé foin simu dadaun ne’e, iha kazu provavél nain 6, no nain 31 sei hein hela rezultadu no iha 167 maka negativu”, informa, Sergio Lobo ba Jornalista sira, Kuarta(15/04/2020), iha Centru Convenções Dili (CCD).

Eis Ministru Saúde ne’e hatutan, estudante Timor-oan sira ne’ebé mai husi Indonezia iha loron ida, fulan ne’e, ho bis rua, ho total pasajeirus tolu nulu resin tolu.

“Atu hatan ba preokupasaun sira husi media kona-ba bis sira ne’e kona-ba viajen sira ne’e, hau repete fila fali, saida maka dehan tiha ona horiseik, iha bis 2, bis bintang ho bis bekan, bis bintang ne’e lori estudante feto nain18 pois bis ne’e iha ninia motorista ho kojak nain 2, bis bekan lori estudante mane nain 19, motorista 1 no ajudante 1, total estudante hamtuk 33, kuarentena ona iha fatin ida, i motorista nain 2 ho kojak nain 3 ne’e nain 5, hamutuk ema nain 42 teste hotu-hotu ona, rezultadu maka ohin ita dehan ne’e, nain 7 pozitivu, nain 6 provavel, nain 24 maka sei hein rezultadu, motorista ho kojak sira ne’e rezultadu negativu, kolega sira ne’ebé agora dadun pozitivu ne’e, tama husi fronteira iha dia 1 de Abril,” haktuir, Sergio Lobo.

Lee hotu :   Michael Stone : Istória TL úniku iha Mundu

Tuir dadus aktual ne’ebé fó sai husi Sentru Integradu Jestaun Krize (SIJK), total ema ne’ebé sei iha kuarentena hamutuk 569, iha dili hamutuk 456, no iha munisipiu sira hamutuk 113.

Iha opurtunidade ne’e mos, Porta voz Sentru Intergradu Jestaun Krize (SIJK) Sergio Lobo hatete, kondisaun no konstrusaun kuarentena ne’ebé konstroe husi kompañia Deco Unipessoal  Lda iha Tasitolu,  lá tuir rekomendasaun husi organizasaun saúde mundial, kuartu ida tenke tau kama ida, atu garante ditansia sosial, maibé Governu sei jere kuarantena ne’e ho diak.

“Agora kona-ba kuartu ida ema nain 2, kuartu ida kama 4, lolos tuir padraun ne’ebé OMS rekomenda,ita hotu-hotu hatene,lolo’os ne’e ema ida kuartu ida, atu garante distansiamentu sosial, atu garante katak nia possibilidade atu infeita ema seluk, maibé kuandu ne’e iha OMS ninia padraun ona, kuandu kuartu ida laiha importante maka garante distasiamentu sosial ne’e que dizer kama ida ho ida minimu metro ida”. Haktuir, Sergio Lobo.

Tuir dadus husi sentru integradu jestaun krize ne’ebé fó sai iha loron sanulu resin lima fulan ne’e,  suspeitu  covid -19 hamutuk atus rua resin (210),husi númeru ne’e , rezultadu negativu atus ida neen nulu resin hitu(167), pozitivu nain walu, no husi nain walu,nain  ida rekopera ona.Jen

Add to Comments Here!!!!

error: Content is protected.
Secured By miniOrange
You might also like:
Aluc Descartez: Dadus pozitivu Covid-19 nain Ualu ne’e lá lo’os

Diretór Gabinete Sentru Integradu Jestaun Krize...

Governu iha kontaktu konfirmadu ho nasaun balun exporta foos mai TL

Governu liu husi Ministériu Negósiu Estranjeiru...

KM hahu diskuti medida sira ba setór ekonómiku

Kosellu Ministru, Kuarta (15/04), ohin, hahu...

Close