AMTL apoia ai-han nutritívu ba médiku liña oin

Prezidente Asosiasaun Médiku Timor-Leste (AMTL) Interina, Telma de Oliveira hateten, asaun ne’e hanesan kontribuisaun, husi Asosiasaun Médiku Timor Leste(AMTL) ba médiku sira iha liña oin, ne’ebé durante ne’e, servisu maka’as hodi fó tratamentu ba pasiente COVID-19.

“Sira iha ne’e reprezenta Asosiasaun Médiku Timor-Leste,ami halibur kontribuisaun voluntaria ida, ne’ebé maka ami sei fó ba fatin kuarentena, fatin izolamentu ba laboratorium nasionál no mós ami sei halo mós fahe mascara no hand sanitizar ba públiku liu-liu ba motorista sira, asaun ohin loron ne’e atu signifika deit, ka atu manifesta ami nia asaun esperitu solidaridade, ba ami nia membrus médiku sira no professional sira seluk, maka servisu dadaun iha ekipa tarefa ba prevensaun COVID-19, ne’e la’os buat barak maibe buat ki’ik,ne’e husi fundus AMTL nia hotu”.deklara, Prezidente Interina AMTL, Telma de Oliveira ba Jornalista sira iha Audian, Kinta (14/05/2020).

Nune’e mos, Sekretária Jerál, Asosiasaun Médiku Timor Leste esplika, hahan sira ne’ebé mak, apoia ba médiku sira hanesan bebidas vítima C, biscuit no seluk tan.

“Ne’e hanesan apoiu adisional ai-han nutritive, ne’e hanesan susu ben, jus, minuman vitimina C, ami fó tan sereal, fó bolacha, ba izolamentu no laboratorium nasionál, ami ajuda oituan mós ho face mask, ida ne’e maka ami kontribui ba fatin izolamentu, iha Vera Cruz no fatin kuarentena ne’ebé médiku sira servisu ba, fatin kuarentena ba pesoal saúde sira, no mós fatin kuarentena ba ita nia maluk sira ne’ebé hela iha fatin kuarentena”.dehan nia.

Hafoin entrega ai-han nutritivu ba médiku sira ne’ebé iha fatin izolamentu vera Cruz, membru assosiasaun médiku Timor-Leste mós fahe máskara, hand sanitizer no panfletu kona-ba COVID-19, ba taxista sira, iha área audian.Jen