JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

COVID-19 TL : 6 aktivu, 117 hein rezultadu

COVID-19 TL : 6 aktivu, 117 hein rezultadu

Sentru Integradu Jestaun Krize (SIJK) konfirma total númeru kazu konfirmadu COVID-19 iha Timor-Leste (TL) mantein 24, na’in 18 rekoperadu, na’in 6 ativu no na’in 117 sei hein rezultadu teste.

Dadus COVID-19 Timor-Leste 11/05/2020
Suspeitu Konfirmadu Rekopera Ativu Provável Hein Rezultadu Mate
922 24 18 6 117

“Total kumulativu kazu konfirmadu 24 laiha mudansa, kazu konfirmadu fóun laiha, kazu rekuperadu ka kuradu 22 (18 konfirmadu, na’in 4 kazu provável), kazu konfirmadu ne’ebé sei iha izolamentu iha Vera Cruz 6, total kumulativu hein rezultadu laboratóriu 117”, Porta-Voz SIJK, Rui Maria de Araújo iha Centro de Convenções Díli, Segunda (11-05-2020).

Ho nune’e, total kumulativu ezame laboratóriu hahu husi loron 10, fulan Marsu to’o loron 11, fulan Maiu ne’e, hamutuk 922 ho rezultadu laboratóriu negativu hamutuk 781.

Enkuantu total ema iha Kuarentena ka konfinamentu obrigatóriu hamutuk 99, kompostu husi na’in tolu (3) auto-kuarentena iha Díli, 68 iha fasilidade Governu ni’an iha Díli no 28 iha fasilidade Governu ihs munisípiu seluk.

Total ema ne’ebé liu ona periódu kuarentena ka konfinamentu obrigatóriu hamutuk 2162, kompostu husi 476 iha munisípiu sira seluk no 1686 iha Díli.

SIJK mós apela ba populasaun tomak, liu-liu joven sira, maske númeru kazu detektadu la aumenta, maibé nafatin kumpre ho disiplina regra distansiamentu sosiál koletivu, hanesan labele halibur-malu, ka la’o rame-rame liu husi ema na’in lima (5).

Uza nafatin máskara wainhira sirkula iha fatin públiku no fatin ne’ebé iha ema barak, hanesan loja, servisu fatin, bazar no selu-seluk tan, fase liman bei-beik no evita kose-liman ba ibun, inus no matan. ida

 

Lee hotu :   Timor-oan na’in 10 livre husi COVID-19

Add to Comments Here!!!!

error: Content is protected.
Secured By miniOrange
You might also like:
Durante EE aktividade SMN suspende

Durante implementasaun Estadu Emerjénsia (EE) Departamentu...

Deskonfia na’ok telemovel no osan 4000, PSIK detein ema na’in tolu

Polísia  Sientífika Investigasaun Kriminal  (PSIK), detein...

Komemora 20 Maiu, PR sei hato’o diskursu Estadu

Ministru Administrasaun Estatal (MAE) Abilio José...

Close