Okupante 41 husi Otél 4 fila ona ba uma

Diretór Nasional Politika Koperasaun Ministeriu Saúde, Narcisio Fernandes hateten, okupante 41 iha hotel 4 diferente  fila ona ba uma hafoin kumpri kuarentena no simu rezultadu teste laiha sintoma  COVID-19.

Narcisio hatutan, okupante 41 ne’e mai husi sentru kuarentena sira hanesan Hotel Vianei, Hotel Luxury, Hotel Colmera no Hotel YQ ne’ebé kompostu husi feto nain 16 no mane nain 25.

“Husi fatin 4 mak Luxury nain 6, Vienai 17, Hotel YQ 17, Colmera nain 1, sira nain 34 mai husi Hotel Lesidere ne’ebé sira hela iha ne’eba entaun ema 1 positivu ita fahe nain 17 mai YQ no 17 mai Vianei, sira balun mak kumpri liu 14 dias tanbá antes ne’e sira balun nia membru pozitivu entaun ita aumenta tan tempu kuarentena hafoin ikus bele sai,”dehan, Narcisio Fernandes, iha Sentru Kuarentena Hotel YQ Raikotu, Segunda (04/05).

Narcisio husu ba okupante sira nafatin hasa’e importansia bele partilla informasaun no mantein distansia sosial, hijiene pesoal hodi prevene COVID-19 iha komunidade no sosiedade.

Tuir dadus ne’ebé fó sai husi Sentru Integradu Jestaun Krize iha loron 4 fulan Maio ne’e sidadaun 212 mak sei kontinua kumpri prosesu kuarentena iha sentru kuarentena sira hanesan Hotel Novu Orizonte, Hotel Timor, Hotel Vila verde, Maloa, Hotel SK, Hotel D’City, Hotel Colmera, Leokase inklui Munisipiu sira seluk.

Numeru kuarentena ne’e kompostu husi Kapital Dili, hamutuk 171 no Munisipiu sira hamutuk 41, enkuantu ba Auto kuarentena iha Munisípiu sira hamutuk 61.Ida

Leave a Reply

Your email address will not be published. Required fields are marked *