Odete: Peskiza ai-han no nutrisaun sei halo durante fulan tolu

Diretora Jerál Ministeriu Saúde, Odete da Silva Viégas hateten, atividade peskiza ba ai-han no nutrisaun ne’e, hahu husi munisípiu Díli no sei hala’o durante fulan tolu.

“Objetivu husi enkontru ida ohin ne’e, hanesan ita bo’ot sira haree tiha ona, katak iha fulan marsu halo tiha ona lansamentu ba peskiza ai-han ba daruak, lolo’os atu hala’o iha fulan marsu ne’e, maibe infelizmente ho asuntu COVID-19 ne’ebé maka globalmente sai mós asuntu pandamia global,ministeiru saúde suspende tiha servisu sira ne’e,i ohin hahu hala’o fali abertura ba peskiza ida ne’e peskiza ne’e ita sei hala’o ba fulan tolu deit, maibe ba teritoriu laran tomak,ita hahu uluk iha Dili no komesa iha loron 4 fulan ne’e no remata iha loron 4 fulan setembru,”esplika, Odete Viégas, ba Jornalista sira, Kuarta (3/06/2020), iha Villa-Verde, Díli.

Iha fatin hanesan, Embaixadór Uniaun Europeia, Andreaw Jacob ho orgullu bele hola parte iha atividade ne’e, tanba liu husi atividade ne’e, bele hatene informasaun kona-ba malnutrisaun iha Timor-Leste.

“Ohin ha’u ho orgullu hodi lansa koleksaun dadus ba nutrisaun hamutuk no enumeradór komunidade,ne’ebé oferese informasaun importante no estatuto nutrisaun labarik no inan sira iha Timor- Leste,ha’u hakarak tebes aprende husi impaktu servisu ne’ebé hala’o husi ministeriu saúde no mós parseiru sira seluk hala’o ho suporta husi Uniaun Europea,Unicef no seluk tan hodi kontra malnutrisaun,”dehan, Andreaw Jacob.

Entretantu programa ne’e hetan apoiu finanseiru no tékniku husi WFP, COICA, União Europeia no UNICEF no parte PNTL mós komprimetidu hodi fó apoiu seguransa ba enumeradór sira bainhira tun ba baze hodi halo peskiza.Jen