Odete promete hadi’a salariu funsionáriu MS

Ministra Saúde (MS), Odete Maria Freitas Belo, promete, sei hadi’a salariu funsionáriu Ministériu Saúde (MS) ni’an, liu husi liu husi dezenvolve prestasaun servisu.

“Ema balun sei troka ita iha futuru, hanoin hodi hadi’a ita-nia salariu, rejime espesiál komesa hadi’a, ita presiza hare’e orsamentu, tenke presta servisu di’ak, médiku no parteira sira tenke servisu hamutuk ho di’ak, atu nune’e ita bele foti desizaun di’ak ba MS”, MS ne’e liu husi serimónia simu Ministra Saúde iha salaun Palaçio das Cinzas, Segunda (01-06-2020).

Odete, hateten, kargu ne’ebé nia simu hanesan kontinuasaun ba servisu ne’ebé antes ne’e halo ona, ho nune’e, sei hadi’a di’ak liu tan servisu iha baze, tanba saúde ne’e servisu ba komunidade.

Odete Maria Freitas Belo hetan pose husi Prezidente Repúblika (PR) nu’udár Ministra Saúde ba VIII Governu Konstituisionál, liu husi dekretu Prezidente númeru 39/2020.

Vise-Ministru ba Dezenvolvimentu Estratéjiku Saúde, Bonifácio Maucoli dos Reis mós espera liu husi prezensa Ministra Saúde ne’ebé mamuk ona durante tinan 1 resin, bele hadi’a di’ak liu tan servisu saúde ba komunidade sira.

“Husi inísiu Vise Ministru na’in rua (2) mak hala’o kna’ar lidera MS, dalabarak difísil atu ezekuta no hafoin ezonerasaun ba Vise Ministra Elia, Primeiru Ministru (PM) hatún despaxu hodi delega ha’u atu asume kna’ar no hahú dia 29 de Maiu despaxu ne’e termina ona”, dehan MS ne’e.

Durante tinan ida (1) resin iha transformasaun no dezafiu barak, liu-liu relasiona ho Servisu Kuidadu Saúde Primáriu no hasoru dezafiu barak em termus de boa governasaun, maibé alkansa susesu barak durante VIII governu eziste. ida