JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AIFAESA taka restaurante tolu no industria haat

AIFAESA taka restaurante tolu no industria haat

Autoridade Inspesaun no Fiskalizasaun Atividade Ekonómika Sanitaria no Alimentar (AIFAESA), taka restaurante tolu (3) no industria haat (4), tanba kondisaun la ijiene.

Durante inspesaun no fiskalizasaun, ne’ebé AIFAESA halo ba loja, restaurante, kioske, inklui industria ki’ik hirak ne’ebé hala’o atividade ekonomia iha kapital Díli, AIFAESA konsege detekta restaurante 3 no estasaun produsaun tahu 2, inklui produsaun padaria 2, AIFAESA deside taka sira nia atividade tanba kondisaun la ijiene.

Estasionamentu hitu (7) ne’ebé mak AIFAESA deside taka provizoriu durante loron 90 ne’e, hodi fó oportunidade ba negósiante sira, atu bele hadi’a kondisaun hafoin reativa fila-fali, ne’ebe mak lokaliza iha área Hera, Lecidere no Bidau.

“Durante nia periodu inspesaun nia rasik detekta estabelesimentu balun que iregular, estabelesimentu ne’ebé que iregular ita haree kondisaun ijene ni’an la tuir dekretu lei númeru 28/2011 ne’ebé regula kona-ba atividade industria no komersializasaun produtu alimentar sira tuir dekretu lei númeru 28 hateten, bainhira laiha kondisaun ijiene para nia halo nia atividade industrial tenke notifika nia para nia taka tiha atividade hanesan fa’an paun, taka tiha para nia hadi’a nia sasan sira ne’ebé la ijiene ne’e para tuir ijiene, tuir dekretu lei númeru 28 ne’e hateten, bele fó fulan 3, ami fó fulan 3 para periodu fulan 3 ne’e hadi’a sasan, para atu bele oferese kualidade ai-han ijiene tuir dekretu lei númeru 28 ba konsumidór sira”, dehan, Koordenadór AIFAESA, Abilio Oliveira Sereno, iha Taibesi, Sesta (24/07).

Iha fatin hanesan, na’in ba Kompañia padaria Oriental Limitada, Roberto Nilton, konkorda ho deziasaun AIFAESA ni’an, tanba, ema hotu tenke kumpre lei, ne’ebé mak vigora iha Timor-Leste.

Lee hotu :   HNGV selebra nia aniversáriu ba dala 17

“Ami konkorda duni orden ne’ebé maun sira mai, ami konkorda duni hanesan foin dau-dauk, maun sira mai halo inspesaun ba ne’e, ami konsege halo tuir buat ne’ebé tuir, maibé, agora maun sira mai fó fali orden dehan hakarak tuir 90 dias, ami bele halo tuir ida ne’e ami sei halo hotu fila-fali, ami hadi’a di-di’ak tiha fila-fali ami sei ba hato’o fila fali”, deklara, Roberto Nilton.

Ho situasaun ne’e Koordenadór AIFAESA mós, apela ba negósiante sira ne’ebé halo negósiu, no industria ruma iha teritoriu Timor-Leste, atu kria kondisaun ho ijiene, nune’e bele distribui ai-han ho kualidade.

Dirijente máximu AIFAESA ne’e mós informa, dau-daun ne’e sira prepara ona atu destaka iha munisípiu, maibé sei hein Orsamentu Jeral Estadu pasa, nune’e bele fasilita ekipa AIFAESA destakadu iha munisipiu sanulu resin rua, inklui RAEOA.

Orsamentu ne’ebé mak AIFAESA tau planu no aprezaenta ba Governu no Parlamentu Nasional ho montante USD tokon 3 resin, orsamentu hirak ne’e prioridade mós ba laboratóriu. Ina

Add to Comments Here!!!!

error: Content is protected.
Secured By miniOrange
You might also like:
PM Taur orienta VMI-Komisáriu PNTL prepara programa prioridade OJE 2021

Primeiru Ministru  (PM) nu’udar mós Ministru...

TL e UE avaliam progressos de políticas setoriais que promovem reformas para desenvolvimento sustentável

Timor-Leste (TL) e a União Europeia...

Kompañia Santos sei halo perfurasaun ba mina matan tolu iha tasi Timor

Ministru Petróleu No Minerais (MPM), Víctor...

Close