JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu loke fronteira terrestre, aéro no marítima, COVID-19 sai ameasa bo’ot ba povu TL

Governu loke fronteira terrestre, aéro no marítima, COVID-19 sai ameasa bo’ot ba povu TL

Ministra Negósiu Estranjeiru no Kooperasaun (MNEK), Adaljiza Reis Magno, afirma, luta kontra Corona Virus Disease 2019 (COVID-19) seida’uk hotu, bainhira loke fila-fali fronteira, terrestre, aéro no marítima, tanba COVID-19, sai ameasa bo’ot ba saúde povu Timor-Leste (TL).

Nune’e Governu presiza kria fasilidade ba pesoal saúde sira ne’ebé servisu hasoru direta pasiente COVID-19.

Tanba ne’e, Governu Korea apoia máskara, rihun 200 mai Governu Timor-Leste, máskara ne’e sei fó ba pesoal saúde, nune’e bele prevene sira husi COVID-19, tanba pesoal saúde kada loron servisu iha terenu hodi luta kontra COVID-19.

“Máskara ne’ebé apoiu husi Korea ida ne’e hodi prevene COVID-19, antes ne’e máskara iha rai-laran laiha, tamba ne’e Governu Korea ajuda máskara ne’e sei oferese ba pesoal saúde sira, hodi halo servisu lor-loron, tanba luta ba COVID-19 seida’uk hotu, bainhira ita loke fila-fali fronteira, ita tenke kuidadu liu tan”, dehan Ministra Negósiu Estranjeiru no Kooperasaun, Adaljiza Reis Magno, iha aeroportu Internasional Prezidente Nicolau Lobato, Comoro-Díli, foin la-lais ne’e.

Governante ne’e subliña, ida ne’e importante tebes atu iha máskara ne’ebé sufisiente, atu nune’e bainhira akontese problema ruma kona-ba COVID-19 Governu bele preparadu no máskara ne’e sei bele uza ba tempu naruk.

Iha fatin hanesan mós, Embaixadór Korea iha Timor-Leste, Lee Chin Bum, orgullu ho Governu Timor-Leste, tanba konsege ultrapasa situasaun COVID-19, no bele kontrola situasaun rai laran ho di’ak.

“Ho situasaun pandemia COVID-19 la’o maka’as iha mundu, inklui iha TL maibé, Governu TL konsege ultrapasa situasaun ida ne’e, no Governu mós konsege kontrola situasaun rai-laran ho di’ak, máskara ne’ebé governu Korea apoiu rihun atus rua, espera katak bele fo benefisiu ba povu TL,” tenik, embaixadór ne’e.

Lee hotu :   PM sei halo enseramentu ba servisu SIJK

Lee Chin Bum informa, nia parte sente komfortavel no seguru liu kompara ho Korea, ho ida ne’e agradese ba Estadu Timor-Leste, tanba iha esforsu ne’ebé di’ak ba rai ida ne’e. Cin

Add to Comments Here!!!!

error: Content is protected.
Secured By miniOrange
You might also like:
Komunidade aldeia 30 de Agusto falta bee-moos

Komunidade aldeia 30 de Agosto, suku...

Juvinal: Rezignasaun Xanana la implika dada kadoras mai TL

Prezidente Konsellu Konsultivu Fundu Petrolíferu (KKFP),...

Impaktu husi COVID-19, Presu mina no gas tun

Prezidente Konsellu Konsultivu Fundu Petrolíferu (KKFP),...

Close