MEJD sei esforsu selu saláriu profesór kontratadu ho OJE 2021

Ministru Edukasaun Joventude no Desportu (MEJD), Armindo Maia, hateten, kona-ba saláriu husi profesor kontratadu iha fulan Janeiru nian seida’uk simu, MEJD sei esforsu hodi rezolve problema ne’e, tanba konsidera problema ne’e kleur ona.

“Ida ne’e problema ida ne’ebé mai kleur ona, tanba relasaun ho orsamentu duadesimu, ne’ebé ke sira lubuk ida ne’ebé ke saida, uluk tuir loloos orsamentu 2020 ne’ebé ke xumba iha Parlamentu ne’e momentu ne’e hatama hotu ona, maibe tanba xumba, entaun osan laiha atu selu ba profesor sira,” hatete, Ministru Armindo, ba Jornalista sira,Kuarta(8/07/2020), iha Palásiu Governu.

Ministru Edukasaun ne’e esplika, ho orsamentu xumba hamosu problema barak, tanba ne’e liu husi OJE 2021, sira sei esforsu rezolve problema ne’e.

“Prontu ami sei esforsu hodi rezolve problema ne’e, tanba oras ne’e dadaun ita uza buat ida sistema duadessimu ne’ebé tan ne’e ami sei buka to’ok, a-ver-se, orsamentu ida 2021 nian ne’e bele, inklui hotu ou entaun sorin balun ba tinan 2020, ne’e pode ser ke bele akomoda, maibe ida ne’e ami sei esforsu,” esplika, Armindo Maia.

Antes ne’e, profesór kontratadu husi eskola sekundariu públiku 5 de Maio Becora mos lamenta, tanba seidauk simu saláriu husi fulan Janeiru to’o agora.Jen