JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo konsidera Timor-Leste iha risku ba COVID-19

PR Lú Olo konsidera Timor-Leste iha risku ba COVID-19

Prezidente Repúblika (PR), Francisco Guterres Lú Olo, konsidera Timor-Leste (TL), sei iha hela risku nia laran, tanba Corona Virus Disease 2019 (COVID-19) la’o maka’as los iha mundu.

“Timor-Leste (TL0 sei iha hela risku laran enkuantu moras COVID-19 la’o hela iha mundu. Ha’u aproveita festa Idul Adha ni’an husu ba fiar-na’in musulmanu sira atu ajuda autoridade TL eduka alin sira haktuir nafatin rekomendasaun husi Ministeriu Saúde Timor-Leste, fase liman bei-beik, uza máskara, no halo distansiamentu fíziku”, mensajen Xefe Estadu nia’n ne’e hato’o husi Reprezentante Prezidensia Repúblika, Domingos Amaral, iha mesquita Anur, Kampung Alor, Sesta (31/07/2020).

Xefi Estadu afirma, iha pais viziñu Indonézia Governu husu fiar-na’in sira, atu haktuir medida ne’ebé Governu foti ona atu hasees ka kontrola COVID-19.

“Iha ita-nia país Viziñu Indonézia, autoridade no grupu musulmanu sira husu fiar-na’in sira atu haktuir medida ne’ebé Governu foti atu hasees ka kontrola moras Covid-19, iha area sira ne’ebé risku aas tebes, atu hetan moras Covid-19 hamutuk 33, proibidu halo seremonia relijiozu iha mesquita sira, ba area sira seluk, autoridade sira husu ba hotu-hotu atu haktuir protokolu saude ni’an, iha rai Indonezia mate ona ema besik rihun, tanba Covid-19”, afirma Xefe Estadu.

Prezidente Repúblika, mós rekoñese katak ho COVID-19, halo komunidade Musulmanu sira la selebra seremonia signifikativu ida ne’e, labele hala’o ho di’ak iha tinan ida ne’e, tuir maluk musulmanu sira nia hanoin no hakarak.

Antes ne’e, Prezidente Repúblika (PR), Francisco Guterres Lú Olo  veta  ona dekretu  lei  Rejime Jurídiku ba Vijilánsia  Epidemiolójika  no Vijilánsia Sanitária, tanba kontra konstituisaun RDTL.

Ho veta ne’ebé PR Lú Olo halo ba dekretu lei ne’e, hetan lamentasaun husi Ministra Saúde, Odete Freitas  Belo, tanba hakfodak ema tama arbiru husi fronteira mai Timor-Leste, hafoin Estadu Emerjénsia remata. Maibe nia dehan, Ministériu Saúde sei buka meius oinsa atu sensibiliza populasaun oinsa hadook-an husi pandemia global COVID-19 ne’e. Cin

Lee hotu :   Obriga estudante hemu tua, Diretór Eskola husu deskulpa ba Inan-Aman

Add to Comments Here!!!!

error: Content is protected.
Secured By miniOrange
You might also like:
MP xamada ministru MOP urjentimente presta deklarasaun

Ministru Obras Pùblika (MOP), Salvador Pires...

Molok peskiza rekursu marmore, ANPM-kompañia sira halo sosializasaun ba komunidade

Autoridade Nasionál Petróleu no Minerais (ANPM)...

Drainajen mota Hera paradu, MOP koordena ona ho ADN

Ministériu Obras Públika (MOP), liu husi...

Close