JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia envolve pasajen osan falsu, TDD aplika aprezentasaun periódika-TIR ba arguidu sira

Deskonfia envolve pasajen osan falsu, TDD aplika aprezentasaun periódika-TIR ba arguidu sira

Liu husi prosesu Primeiru Interogatóriu (PI), Tribunál Distritál Díli (TDD) aplika medida koasaun aprezentasaun periódika ba arguidu ho inisiál LS, hanesan ajente FALINTIL-Forsa Defeza Timor-Leste (F-FDTL) no Termu Identidade Rezidénsia (TIR) ba arguidu AS nu’udár sidadaun sivíl ne’ebé deskonfia komete kazu atividade pasajen osan falsu, iha Banco Central Timor-Leste (BCTL).

Arguidu na’in rua deskonfia lori osan falsu ho montante USD 900, ba troka iha BCTL, maibé la konsege troka no ikus mai jerente ne’ebé servisu iha banku refere informa kedas ba Polísia Siéntifika Investigasaun Kriminál (PCIC-Sigla Portugés), nune’e identifika kedas arguidu na’in rua.

Iha loron hanesan, PSIK detein arguidu AS iha sela PSIK no arguidu LS, detein iha sela Polísia Militár (PM) iha Kintal Boot.

Tanba ne’e iha prosesu PI, tribunál deside aplika medida koasaun aprezentasaun periódika no TIR ba arguidu sira, tanba tribunál konsidera arguidu sira konfesa faktu integralmente no prontu koopera ho justisa.

Advogadu privadu, Emílio Pereira, hateten, osan ne’ebé arguidu sira lori ba troka la’ós arguidu sira ni’an, maibé ema seluk ni’an ne’ebé haruka husi Reinu Unidu mai, ne’ebé husu de’it sira ni’an ajuda atu ba troka iha banku.

Maibé PSIK identifika kedas arguidu na’in rua, deskonfia arguidu sira mak uza osan falsu, hodi ba troka iha banku.

“Ema ida haruka osan mai ne’e sira hatene, maibé osan nia orijin ne’e husi ne’ebé sira la hatene, maibé sira hatene de’it husi Inglatera mak mai. Maibé ne’e osan na’in ida mai husi Inglatera ne’e mak manda no osan na’in ne’e mak foti rasik husi Western Union, nune’e arguidu na’in rua osan na’in ne’e mak haruka ba troka de’it, tanba osan na’in ne’e iha hela Baucau”, Advogadu Privadu ne’e ba GMN via telefone, Domingu (30-08-2020).

Lee hotu :   Kazu pozitivu COVID-19 iha Timor-Leste aumenta ba 19 ■ Komisaun Interministerial aprova estensaun EE ba fulan ida tan

Ho nune’e, Ministériu Públiku (MP) promove arguidu LS no AS ho krime kontrafasaun ba moeda, ne’ebé previstu iha artigu 307 no krime pasajen ba moeda falsa artigu 308.

Maibé iha desizaun prosesu PI ne’e, tribunál konsidera krime kontrafasaun ba moeda la priense rekezitu prosesu, nune’e tribunál deside de’it krime pasajen ba moeda falsa, hodi aplika medida koasaun rua ne’e ba arguidu LS no AS.

Prosesu PI ne’e, prezide husi Juíza singular, Ercília de Jesus, MP reprezenta husi prokuradór, Luis Hernanio Rangel, arguidu sira hetan asisténsia legál husi Advogadu Privadu, Emílio Pereira. san

Add to Comments Here!!!!

error: Content is protected.
Secured By miniOrange
You might also like:
Atinji kualidade servisu iha HNGV, Tenke iha padraun ruma sai baze

Diretór Ezekutivu Hospital Nacional Guido Valadares...

MS elojia HNGV tanba konsege reduz mortalidade inan

Diretór Nasionál Polítika Kooperasaun, Ministériu Saúde...

PD la orienta militante sira halo manifestasaun

Prezidente Partido Democrático (PD), Mariano Assanami...

Close