JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ekipamentu COVID-19 ne’ebé Governu sosa to’o ona TL

Ekipamentu COVID-19 ne’ebé Governu sosa to’o ona TL

Reprezentante United Nations Development Programme (UNDP), Tuya Altangerel, informa, ekipamentu ne’ebé foin la-lais Ministériu Saúde (MS) aloka fundu USD milloens 5.7 ba UNPD hodi sosa sasan COVID-19 hanesan ventiladór 45 no medikamentu esensiál sira oras ne’e dau-daun tama ona iha Timor-Leste.

“Ministra Saúde, iha 13 fulan Agostu, halo akzisaun  UNDP ho montante orsamentu USD milloens 5,7 ba ekipamentu no medikamentu saúde atu responde ba krize COVID-19 no nesesidade sira seluk saúde krítika ni’an. Ekipamentu hirak ne’e husu totál USD millaun 4,6 ba ai-moruk essensiál sira, ekipamentu hirak ne’e kompostu husi Protesaun Individuál (EPI) no ekipamentu médiku ni’an sosa ona iha fulan Agostu. Maioria ekipamentu hirak ne’e iha ona Timor-Leste. Akizisaun inklui item 42 ho tipu medikamentu esensiál hanesan Amoxicilina, Dexametasona no Zinco no 23 tipu de EPI COVID-19 no ekipamentu médiku, inklui 45 ventiladór, máskara surirjiku 200.000, máskara N95 300,000, ókulu seguransa 10.000 no protetór oin 100, inklui oxímetrus ba pulsu, sasán  hirak ne’e to’o hotu ona iha Timor-Leste”, Reprezentante UNDP ne’e ba jornalista sira liu husi konferénsia imprensa iha kampaun UNDP, Caicoli-Díli, Tersa (18/08/2020).

Nia akresenta mós katak, ekipamentu hirak ne’e tama tarde, tanba iha fulan Abril ho Maiu fabrika taka hotu, tanba COVID-19.

Iha Kinta, loron 9, fulan Jullu, foin la-lais Embarque foun to’o ona iha portu Díli no sei hein lisensa husi autoridade Alfándega no armazenamentu ba sasan hirak ne’e sei hala’o husi SAMES.

Ekipamentu hirak ne’e ho kualidade garantida husi nasaun hirak iha Europa no Ázia, inklui Reinu Unidu, España, Fransa, Áustria, Itália, Koreia du Sul.

Lee hotu :   MS SEI APOIA ORSAMENTU RIHUN USD 180 BA KLÍNIKA BAIRO-PITÉ

Iha fatin hanesan Diretór Nasionál Apoiu Servisu Hospitalár no Emerjénsia, Nilton da Silva, hateten, sasán hirak ne’e sei iha Alfándega, tanba sei hein prosesu inspesaun, bainhira inspesaun remata mak foin MS  foti no lori ba rai iha SAMES.

“Ita simu ona sasán ne’ebé tama husi ró kuaze dala tolu ona, primeiru ró tama mai lori de’it medikamentu, faze daruak lori ekipamentu médiku inklui ventilatór lima (5), husi ventilator 45 ne’ebé atu mai no ikus ventilator 40 mós iha ne’e ona, ne’ebé iha sasán balun ne’ebé ita foti rai ona iha SAMES, maibé balun seidauk, tanba sasan hirak ne’e sei iha hela Alfándega”, tenik nia. eni

Add to Comments Here!!!!

error: Content is protected.
Secured By miniOrange
You might also like:
Kreditu ho funan boot ameasa ba setór privadu

Prezidente Movimentu Asaun Ekonomia Komunitária (MAEKOM),...

Rui Castro: TL kontente liu ho produtu importasaun duke rai-laran

Prezidente Movimentu Asaun Ekonomia Komunitária (MAEKOM),...

PTR seidauk iha komunikasaun ho MJ kona-ba rejistrasaun partidu foun

Prezidente Tribunal Rekursu (PTR), Deolindo dos...

Close