JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estudante Timor-Oan iha Israel konsidera Governu abandona sira

Estudante Timor-Oan iha Israel konsidera Governu abandona sira

Reprezentante Estudante Timor-Oan iha Israel, Akun Machado, informa, sira ba tuir treinamentu ne’e, Ministériu Agrikultura no Peska (MAP) mak haruka sira ba no to’o agora sira la hetan apoiu ruma, tanba ne’e estudante hirak ne’e konsidera Governu liu husi MAP durante ne’e abandona sira.

“Ami mai iha nasaun ne’e, durante tinan ida ona, liu husi MAP mak haruka mai hodi tuir treinamentu agrikultura avansadu iha ne’e, maibé dezde inísiu ami mai iha nasaun ne’e to’o ohin loron, la hetan atensaun husi Ministériu ne’ebé tutela ba”, Akun Machado ba GMN, Tersa(25/08/2020), liu husi via WhatsApp.

Reprezentante estudante ne’e esplika, durante iha Israel sira la’os de’it tuir treinamentu, maibé sira mós esforsu hodi buka sérvisu, nune’e bele sustenta moris durante hela iha ema nia rai.

“Ami hamutuk 72 ne’e remata ona ami nian treinamentu iha fulan Juñu liu ba, maibé seidauk bele fila ba Timor, tanba situasaun pandemia COVID-19, Alende ne’e estudante sira balun kompañia hapara ona sira-nia servisu, tanba ne’e difísil ona ba ami atu sustenta moris iha situasaun ohin loron nian, nune’e ami mós ezije ba Governu tenke rezolve problema ne’ebé ami infrenta atu ami bele fila ba Timor”, dehan, estudante Timor-Oan iha Israel ne’e.

Estudante iha Israel ne’e, mai husi universidade UNTL, UNITAL, ETCI, UNPAZ, SPP Maliana, Natabora no Fuiloro ne’ebé Governu haruka ba tuir treinamentu kona-bá agrikultura avansadu iha Israel, hahú husi loron14, fulan Agostu, tinan 2019 no remata iha fulan Juñu, tinan ne’e. Jen

Lee hotu :   [:pt]OJE 2020 HNGV propoin millaun USD 12[:id]OJE 2020 HNGV propoin millaun USD 12[:en]OJE 2020 HNGV propoin millaun USD 12c[:tl]OJE 2020 HNGV propoin millaun USD 12[:]

Add to Comments Here!!!!

error: Content is protected.
Secured By miniOrange
You might also like:
Orsamentu duodésimu la benefísia povu

Arsebispu Metropolitanu Arkidioséze Díli, Dom Virgílio...

SEAK sei harii biblioteka nasionál hodi konserva livru

Sekretáriu Estadu Arte Kultura (SEAK) séi...

Timor-oan tama-sai ilegál durante COVID-19 hanesan traidór ba nasaun

Deputadu komisaun B ne’ebé trata asuntu...

Close