JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS klarifika alokasaun orsamentu COVID-19 ba PN

MS klarifika alokasaun orsamentu COVID-19 ba PN

Ministra Saúde, Odete Maria Freitas Belo, iha Tersa, loron 11, fulan ne’e akompaña husi Primeiru Ministru (PM), Taur Matan Ruak, halo ona klarifikasaun ba deputadu sira iha Parlamentu Nasionál (PN) kona-bá alokasaun orsamentu COVID-19 ba Ministériu Saúde (MS).

Odete, esplika orsamentu COVID-19 ne’ebé aloka ba iha MS ho montante USD milloens 45, orsamentu ida ne’e la’o tuir nafatin hanesan alokasaun Orsamentu Jerál Estadu, ne’ebé MS aloka tuir item.

“Orsamentu ne’ebé iha ita aloka ba iha Bens servisu, Kapitál menor no mos ba iha Kapitál dezenvolvimentu, kalru katak orsamentu hirak ne’e ita uza too ohin loron selu dividas Hotel ne’ebé ita aluga ba Kuarentina inklui dapur”, klarifika Odete hodi responde ba pergunta husi deputadu bankada opozisaun no Governu iha Parlamentu Nasionál, Tersa (11/08).

Governante ne’e esplika, alokasaun fundu COVID-19 ba iha bens servisu MS, haree liu ba iha servisu hirak hanesan selu ba ema nia otél, aihan no mòs ba servente ne’ebé prepara aihan ba sidadaun husi liur kuarentena iha otél.

“Ha’u atu hato’o katak pagamentu ne’ebé ita halo ba Hotel no ketring  sira kuaze ita selu hotu ona , tanba ne’e mak foin lalais iha semana kotuk ita simu tan ita nia sidadaun sira tantu timoroan ho estranjeiru ho númeru ne’ebé ás tebes kuaze atus hat resin mak ita tau iha Otel sira iha Díli laran”, tenik nia.

Nia afirma, sidadaun hirak ne’e MS labele tau iha kuarentena Tasi Tolu, tanba fatin mamuk laiha ona, ho nune’e MS kontinua uza orsamentu ne’ebé sei iha hodi aluga hikas otél ne’ebé iha sai hanesan kuarentena.

Lee hotu :   PN : Estudante sira simu rezultadu ezame iha surat tahan

Nia informa, ba dau-dauk ne’e MS laiha ona problema ho otél na’in sira, tanba otél hirak ne’e kuaze ita halo hotu ona pagamentu.

“Saída mak ami fó instrusaun ba ami nia  pesoál saúde ho Diretór sira katak saída mak ita estuda oan husi lisaun ne’ebé iha tempu ne’eba Estadu Emerjensia nia laran ita husu dokumentus bainhra sidadaun sira kuarentena priense ona loron 14 ita tenke halo kedas pagamentu ba otél sira antes ema sai husi otél, inklui hahan ne’ebé ita fó han ema ne’e ita seluk kedas nune’e labele iha tan debe,” Odete promete.

Enkuantu fundu COVID-19 ni’an mós MS aloka ba sosa ai-moruk, maibé MS halo liu husi transferénsia públika iha ne’ebé ho montante USD milloens 5.8 mak MS halo transferensia ba iha UNDP.

“Akordu trasnferensia fundu COVID-19 ba iha  UNDP, la’ós MS mak halo maibé akordu refere entre UNPD ho Ministériu Negósiu Estranjeiru no Kooperasaun (MNEK) no MS hein de’it atu simu sasan sira sosa husi parseiru refere”, hateten Ministra Saúde ne’e.

Nia relata, sasán  atu sosa mak haesan aimoruk ne’ebé espesialita iha HNGV persiza, aimoruk hirak ne’e MS mós simu ona iha fulan Juñu nia laran no aimoruk kuaze uza hotu ona, inklui mós ekipamentu ba COVID-19 ni’an, liu-liu máskara, ókolu, roupa ne’ebé pesoál saúde sira hatais no mós vitilahator lima ne’ebé MS simu ona husi UNDP.

“Agora sira nia deliver ikus liu mak ami koko atu komunika ho sira, katak fulan ikus iha Agostu nia laran sira sei haruka tan sasán balun mai”, nia informa.

Alende ne’e fundu COVID-19 ni’an balun mós MS haruka ba iha SAMES ho montante USD milloens 5 i tal, hodi sosa aimoruk stok iha SAMES, maibé la’ós sosa aimoruk COVID-19 ni’an maibé sosa aimoruk báziku ne’ebé presiza tau iha HNGV, sentru saúde no postu saúde sira, inklui mós mákina pixiar haat ne’ebé uza hodi halo teste ba iha COVID-19.

Lee hotu :   MS: Italianu iha TL sei suspeitu hela ba COVID-19 ■Timor-oan iha Korea do Sul la kona COVID-19

Mákina hirak ne’ebé daudauk ne’e utiliza hetan apoiu husi organizasaun Mundiál Saúde, ne’ebé iha mákina rua ba iha Laboratórium Nasionál uza hela, no iha mós reajente sira ne’ebé uza ne’e hetan apoiu husi organizasaun Menjis husi Austrália, maibé MS mós  mákina inklui reajente ne’ebé sei iha hela prosesu no sei hein nia delivery.

Tanba ne’e, atu dehan de’it katak ekipamentu ne’ebé dau-dauk uza ne’e ekipamentu hetan apoiu husi ajénsia internasionál sira. eni

Add to Comments Here!!!!

error: Content is protected.
Secured By miniOrange
You might also like:
Governu tenke lori fila estudante iha estranjeiru

Xefe Bankada PD, Antonio da Conceição,...

La’o Hamutuk husu Governu tenke jere di-di’ak FP

Peskizadór Organizasaun Naun Governamental  La'o Hamutuk,...

PM Taur: Ha’u louva Maun Xanana nia jenerosidade

Primeiru Ministru (PM), Taur Matan Ruak,...

Close