JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pozitivu COVID-19 iha Timor-Leste aumenta tan ida

Pozitivu COVID-19 iha Timor-Leste aumenta tan ida

Ministra Saúde, Odete Maria Freitas Belo, informa, númeru kazu pozitivu Corona Virus Disease 2019 (COVID-19) foun iha Timor-Leste sa’e ba rua, númeru refere kompostu husi Timor-Oan na’in ida no sidadaun Indonézia na’in ida, no dau-daun ne’e iha ona sala izolamentu Vera Cruz.

“Ha’u hakarak informa ba públiku katak ohin Ministériu Saúde (MS) detekta tan kazu foun COVID-19 na’in ida, pasiente COVID 19 ne’e sidadaun Indonézia, ho tinan 23, ne’ebé servisu nu’udár tékniku iha kompañia Wartsila, sidadaun ne’e hahú viájen husi Jakarta–Kupang Indonézia, ho voo Batik Air iha loron 11, fulan Agostu, tinan 2020. No iha loron ne’e kedas pasajeiru kontinua viájen husi Kupang–Atambua ho voo Lion Air iha Atambua-Indonézia, hela iha otél Matahari Atambua, mai Díli iha loron 12, fulan Agostu, tinan 2020”, Ministra Saúde fó sai informasaun ne’e liu husi konferénsia imprensa iha salaun Palacio das Cínzas, Caicoli-Díli, Kuarta (26-08-2020).

Odete esplika, totál pasajeiru sira ne’ebé tama iha loron 12, fulan ne’e, hamutuk ema na’in 84, na’in 7 tama auto kuarentena iha otél Garden Beach no na’in 77 iha konfinamentu obrigatóriu no pesoál infetadu COVID-19 ne’e rasik kompleta ona loron 14.

“Amostra foti iha loron 22, fulan Agostu, tinan 2020, pasajeiru konsege halo kontaktu besik ho ema na’in 14 no agora dau-dauk organiza ona atu foti amostra no dau-daun ne’e pasiente refere ona ba sala izolamentu Vera-Cruz”, tenik Governante ne’e.

Ho kazu pozitivu foun ne’e, Odete husu ba sidadaun sira ne’ebé kumpre hela konfinamentu obrigatóriu no auto kuarentena, atu labele vizita malu iha kuarentena laran, tenke mantein espasu, labele simu vizitante husi família sira, ida-idak tur hakmatek iha fatin, favór koopera ho pesoál saúde sira bainhira atu halo teste ruma.

Lee hotu :   Aimoruk Herbal Indonesia kura moras oi-oin

“Ita ida-idak nia vontade di’ak, atu halo tuir mensajen hirak ohin ha’u temi sei kontribui husi redus risku transmisaun surtu COVID -19, iha ita-nia rai doben Timor-Leste, ha’u husu ba públiku tomak atu fó fiar mai iha MS atu hala’o nia servisu labele kria rumoris ne’ebé laiha faktu”, tenik nia.

Iha biban ne’e mós, Governante ne’e husu ba komunidade sira atu labele pániku no mantein nafatin halo prevensaun ba COVID-19, liu husi uza máskara wainhira sai husi uma, kontinua halo distánsia fíziku, fase-liman bei-beik ho sabaun, evita halibur malu iha grupu ne’ebé envolve ema barak.

“MS rekomenda nafatin atu ita hotu presiza tau atensaun ba medida preventiva atu proteje ita-nia-an, ita-nia komunidade no ita-nia nasaun husi pandemia COVID-19”, nia rekomenda.

Pasiente COVID 19 ne’ebé dau-daun ne’e izola iha sala izolamentu Vera Cruz hamutuk na’in rua, ida Timor-Oan ne’ebé tama iha sala izolamentu iha loron 20, fulan Agostu ne’e no sidadaun Indonézia ho idade 23 ne’e, tama iha sala izolamentu iha Kuarta (26/8) ne’e.

Tuir dadus husi MS totál kumulativu ezame laboratóriu, komulativu negativu 5241, totál ema iha kuarentena ka konfinamentu obrigatóriu na’in 311, iha Díli 210, iha munisípiu 101, totál ema auto kuarentena na’in 137, iha Díli 134, iha munisípiu 3, inklui ema ne’ebé liu ona periódu kuarentena ka konfinamentu obrigatóriu hamutuk na’in 3566, iha Díli 3086 no iha munisípiu 480. eni

Add to Comments Here!!!!

error: Content is protected.
Secured By miniOrange
You might also like:
Diminui kiak iha 2030, Tenke iha sustentabilidade ekonómika

Vise Ministra Finansas (MF), Sara Lobo...

Estudante Timor-Oan iha Israel konsidera Governu abandona sira

Reprezentante Estudante Timor-Oan iha Israel, Akun...

Orsamentu duodésimu la benefísia povu

Arsebispu Metropolitanu Arkidioséze Díli, Dom Virgílio...

Close