JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TL rejista pozitivu COVID-19 foun na’in ida  MS apela komunidade kuidadu-an

TL rejista pozitivu COVID-19 foun na’in ida  MS apela komunidade kuidadu-an

Hafoin Timor-Leste deteta no rejista fali kazu foun Corona Virus Disease 2019 (Covid-19), Ministériu Saúde (MS) apela ba populasaun sira atu mantein hakmatek no kontinua aplika medida prevensaun ne’ebé Governu Ho Organizasaun Mundiál Saúde (OMS) fó sai ona katak, kontinua mantein distansiamentu sosiál no fíziku, uza máskara no fase-liman bei-beik.

“Ho evolusaun surtu COVID-19 iha mundu, MS hakarak apela ba populasaun tomak atu labele pániku no mantein nafatin halo prevensaun ba COVID-19, liu husi uza mascara kontinua halo distansia fíziku fase-liman bei-beik ho sabaun evita halibur malu iha grupu ne’ebé envolve ema barak”, Vise Koordenadór Jerál Komisaun Ezekutivu ba COVID-19, iha sal MS, Narcíso Fernandes, liu husi konferénsia ba imprensa iha Palaçio das Cínzas, Caicoli-Díli, Tersa (04-08-2020).

Vise Koordenadór Jerál Komisaun Ezekutivu ba COVID-19 ne’e apela ba komunidade no autoridade lokál sira iha área fronteira, atu kontrola komunidade sira ne’ebé tama ilegalmente husi rai-ketan mai teritóriu Timor-Leste.

Husu mós ba públiku ne’ebé movimenta ba mai iha merkadu, eskola no igreza, atu mantein nafatin medida preventiva ba COVID -19.

Pesoál ba kazu COVID-19 foun ne’e sidadaun Indonézia husi Java Sentrál (Indonézia-red) ho idade 46, ne’ebé tama iha teritóriu TL, liu husi fronteira terestre, iha loron 22, fulan Jullu tinan ne’e no tama kedas iha kuarentena Tasi Tolu ne’ebé Governu prepara ona.

“Sidadaun ne’e mai sa’e aviaun Citilink to’o Kupang-Indonézia dia 21 Jullu, sa’e kareta avansa hamutuk sira na’in 6, labarik 1, feto 1 no mane 4, inklui motorista, iha dia 22 Jullu sira hamutuk 105 tama legal no 6 ilegál mai Timor hamutuk na’in 111, sira direta mai fatin kuarentena Tasi Tolu, depois loron 8 ekipa foti sampel sira hotu ni’an, iha dia 30 Jullu no horikalan rezultadu sai pozitivu 1, agora dau-daun pasiente ne’e iha ona izolamentu Vera Cruz”, nia relata.

Lee hotu :   MS: Italianu iha TL sei suspeitu hela ba COVID-19 ■Timor-oan iha Korea do Sul la kona COVID-19

Entretantu tuir ajenda, traballadór 100 resin, inklui mate isin 1, husi Korea du Sul sei to’o iha Timor-Leste iha loron 5, fulan ne’e, ho aviaun Citilink, maibé Koordenadór Jerál Komisaun Ezekutiva ba COVID 19, MS Narcíso hateten, Governu seidauk deside fatin fíksu, atu halo kuarentena ba sidadaun sira ne’e.

Munisípiu Dili sei reativa fali Komisaun prevensaun COVID-19

Prezidente Autóridade Munisípiu Díli, Gaspar Soares, hateten, Timor-Leste komesa rejista fali kazu konfirmadu COVID-19 na’in ida (1), tanba ne’e munisípiu Díli deklara oinsá atu reativa fali Komisaun Prinsipál ba Prevensaun COVID-19 iha munisípiu Díli.

“Iha dia 6 agora ita sei iha enkontru koordenasaun iha munisípiu Díli, katak ita sei deklara ofisialmente reativa fali komisaun prevensaun COVID-19”, Prezidente Autóridade Munisípiu Díli ne’e ba jornalista sira iha Ministériu Finansas, Aitarak Laran, Díli, Tersa (04-08-2020).

Gaspar akresenta mós katak, bainhira munisípiu Díli deklara ona, signifika katak sei implementa fila-fali medida hotu ne’ebé relasaun ho COVID-19.

“Ami mós sei husu ba komandu PNTL Díli atu check point ba hotu-hotu ne’ebé la kumpre protokolu COVID-19 ni’an, tanba ne’e ha’u espera katak iha dia 6 agora ita iha enkontru boot hodi deklara sai ba públiku”, tenik nia. eni

Add to Comments Here!!!!

error: Content is protected.
Secured By miniOrange
You might also like:
Hadook-an husi COVID-19, Xanana husu peskadór evita transaksaun ilegál

Líder karismátiku Kay Rala Xanana Gusmão,...

UNDIL sei buka buka solusaun ba problema Mascarinhas

Relasiona ho konfrontasaun ne’ebé akontese iha...

Estudante Estajiáriu 78 sei halo prátika iha eskola sira iha Munisípiu lima

Estudante Estajiáriu 78 husi Universidade Díli...

Close