JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

UNPAZ-KJP realiza semináriu nasionál, Alerta ba orgaun soberanu sira ezerse poder tuir K-RDTL

UNPAZ-KJP realiza semináriu nasionál, Alerta ba orgaun soberanu sira ezerse poder tuir K-RDTL

Universidade da Paz (UNPAZ), hamutuk ho Komisuan Justisa  Paz (KJP),  hala’o semináriu nasional hodi loke politika nain sira nia hanoin, atu koalia bazeia ba Konstituisaun Republika Demokratika de Timor-Leste (K-RDTL) no rejimentu, ezerse sira nia poder politiku tuir konstituisaun.

“Universidade da Paz hamutuk ho komisaun Justisa no Paz, organiza seminariu ida koalia kona-ba patriotizmu nasional, tamba ita nia situasaun ikus ne’e, mosu fenomena ida ne’ebé la’o la tuir ona artigu sira iha Konstituisaun-RDTL no rejimentu sira  ne’ebé ita produs ona”, dehan, Reitor Universidade da Paz, Adolmando Amaral, iha UNPAZ Sabadu (08/08/2020).

Reitor ne’e esplika, au mesmu tempu lei no ordem ne’ebé vigora hela ema la kumpre ona, tamba ne’e mak Universidade da Paz no komisaun justisa, haree katak ida ne’e ita labele dada naruk, tenki fó hanoin ba ema hotu, atu lori sira nia hanoin hirak ne’e ba tur iha nia fatin.

“Hanesan nasaun demokratiku ida ita koalia, tenke bazeia ba konstituisaun, moris iha nasaun demokratiku ida tenke kumpre lei no ordem, ne’ebé mak iha hanesan mos nasaun demokratiku ida, ita kria rejimentu ida atu la’o tuir”, afirma Adolmando.

Adolmando subliña, la’os hanaran tiha RDTL, maibe buat hotu la’o la tuir konstituisaun no rejimentu, maibe halo tuir liu ema ida-idak nia emosaun no hakarak, hodi obriga ema seluk atu la’o tuir, mezmu kontra hela K-RDTL.

Iha fatin hanesan, Prezidente Komisaun Justisa no Paz Nasional, Padre Julio Crispim, afirma, liu husi seminariu ida ne’e atu hamoris Timor-Oan nia espiritu konsiensia kritika ba nasaun hodi tau konstituisaun iha nia fatin no Estadu ida ne’e la’o tuir konstituisaun.

Lee hotu :   Eskola barak hetan estragus iha munisipiu Covalima

“Liu husi seminariu ida ne’e atu hamoris ita nia espiritu konsensia kritika ba nasaun, ho nune’e ita tau konstituisaun iha nia fatin no Estadu ida ne’e la’o tuir konstituisaun, Estadu la’o tuir konstituisaun, poder politika mos la’o tuir konstituisaun, tinan 20 ona ita independensia hirak ne’e ita halo tuir ona ka lae”, afirma Padre Julio.

Padre ne’e mos subliña, ida ne’e la’os atu provoka no estraga orgaun soberania sira, maibe hanesan Timor-Oan presiza kontribui, atu orgaun soberania sira, ezerse sira nia poder politiku tuir konstituisaun. Cin

Add to Comments Here!!!!

error: Content is protected.
Secured By miniOrange
You might also like:
Diákonu Donato simu ordenasaun sai Nai Lulik

Sabadu (08/08) fim de semana ne'e,...

Transporte la sufisiente, difikulta SAS Bobonaro

Xefe Departamentu Servisu Água no Saneamentu...

Komunidade Marobo kontinua halerik ba estrada-eletrisidade

Komunidade iha kompleksu Marobo, postu administrativu...

Close