Xanana: Seidauk iha ai-moruk atu kura COVID-19

Líder karismátiku Kay Rala Xanana Gusmão, kontinua alerta ba komunidade atu kuidadu-an ho COVID-19 ne’ebé seidauk lakon husi mundu no liu-liu to’o agora seidauk iha ai-moruk atu kura moras ne’e.

Xanana kontinua hala’o nia misaun hanesan líder nasionál hodi alerta ba komunidade atu mantein kuidadu-an no halo tuir régra saúde, tanba COVID-19 moras a’at ida ne’ebé seidauk iha ai-moruk.

Xanana hato’o apelu ne’e, iha suku Manleuana, Munisípiu Dilí, Sábadu (1/8/2020).

“Ita laiha COVID-19 di’ak teb-tebes, agradese ba Maromak ho ita-nia rai-lulik. Ita labele dehan katak ita sei laiha, ne’e katak ita sei hasoru hela ameasa ida bele tama iha ita-nia rai. Seidauk iha ai-moruk atu hapara (kura) moras ne’e”, dehan eis Prezidente Repúblika, Kay Rala Xanana Gusmão.

Hafoin ne’e Xanana hamutuk ho Timor-Oan balun distribui nesesidade bázika ba komunidade kbi’it la’ek sira. Iha biban ne’e mós juventude sira anima Xanana ho múzika furak balun. Nes