GMN TV Saude e Educação MS: Governu lakon kontrolu sidadaun tama-sai ilegál

MS: Governu lakon kontrolu sidadaun tama-sai ilegál

Ministra Saúde (MS), Odete Maria Freitas Belo, konsidera, Governu lakon kontrolu ba sidadaun sira ne’ebé tama-sai fronteira terestre ilegalmente, tanba halo movimentu ho númeru ne’ebé boot.

Antes ne’e Polisia Nasional Timor-Leste (PNTL) kaptura joven na’in 14 iha Kuarta (09-09-2020) nu’udár membru Persaudaraan Setia Hati Terate (PSHT), ne’ebe foin fila husi Atambua-Indonézia, iha Sábadu (05-09-2020) liu husi dalan ilegál.

“Ida ne’e mak sai hanesan tristeza boot ba ita, tanba ita kontrola mós la hetan, iha fulan 4 ou 5 liu ba ita sei bele kontrola, ita sei bele kaer balun, maibé ba semana 1 ou 2 liu ba ne’e ita labele kontrola, tanba númeru tama ne’e barak liu, tanba ne’e liga ho alin sira ne’ebé ba halo sira-nia atividade joven ni’an sira iha direitu, maibé ita-nia hakarak ne’e tenke liu husi dalan para ita bele kontrola”, MS ne’e iha resintu Ministériu Finansas (MF), Kinta (10-09-2020).

Governante ne’e hateten, Ministériu Saúde (MS) halo kontrolu máximu ba pasajeiru ne’ebé tama legalmente iha fronteira, maibé ba sidadaun balun ne’ebé tenta liu dalan ilegál ne’e parte seguransa nia responsabilidade oinsa atu buka tuir sira, hodi kaptura no entrega ba parte saúde.

“Ami labele kontrola, ita bele tau Unidade Patrullamentu Fronteira (UPF) barak mós ne’e susar uitoan, karik sira mós hatene ona UPF nia servisu iha ne’ebá, entaun sira aproveita tama mai, ami la kaer de’it iha fronteira, maibé iha munisípiu sira ne’e la’ós halimar hanesan Osso, Viqueque no Díli laran ne’e hanesan sira hela tiha ho família, depois balun ba eskola no ita reza nafatin sira la lori virus ne’e iha sira-nia isin, karik sira kontaminadu hela moras ne’e ita hanoin tebes ita-nia komunidade no sira nia família rasik”, tenik Odete.

MS ne’e mós sei foti asaun ruma hasoru sidadaun hirak ne’ebé tenta halo movimentu ba mai, maske hala’o hela auto-kuarentena hodi hamosu diskriminasaun ba sidadaun sira ne’ebé hela iha kuarentena.

Sira ne’ebé iha auto-kuarentena ne’e la’ós ema beik, maibé ne’e matenek de’it, mai husi nasaun boot sira no la presiza koalia barak oinsa atu halo prevensaun ba moras COVID-19.

Durante ne’e ekipa saúde sira hein iha ne’ebá, mais sidadaun sira tenta atu sai, nune’e tenke haree fila-fali auto-kuarentena ne’e.

“Tanba ita pasensia no fó hotu dalan ba sira, sé dehan kuarentena ne’e la favoravel ba sira ou la di’ak ba sira, maibé ita-nia Timor-Oan sira halo kuarentena, ida ne’e ita lakohi koalia kona-bá diskriminasaun ita Timor-Oan iha kuarentena no sira iha osan fó ba tau iha auto-kuarentena, maibé sira indisiplinadu ne’e labele, iha tempu ida ita tenke koalia”, informa Governante ne’e.

Tuir dadus ne’ebé fó sai husi pájina ofisiál MS ni’an iha loron 9, fulan ne’e, númeru sidadaun ne’ebé kumpre kuarentena hamutuk 305 no auto-kuarentena hamutuk 119. ida


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]gmntv.tl
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker