JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ekipa konjunta IJE identifika SAMES sosa medikamentu balun la tuir padraun

Ekipa konjunta IJE identifika SAMES sosa medikamentu balun la tuir padraun

Ekipa konjunta kompostu husi Komisaun Anti Korupsaun (KAK), Provedoria Direitus Humanus no Justísa (PDHJ), Komisaun Funsaun Públika (KFP) no Inspesaun Jerál Estadu (IJE) hala’o vizita surpreza ba Servisu Autónomu Medikamentu no Ekipamentu Saúde (SAMES), tanba importa medikamentu balun ne’ebé la nesesáriu distribui ba ospitál no sentru saúde sira.

Diretór Inspesaun Jerál Estadu (IJE), Francisco de Carvalho, hateten, durante inspesaun ekipa konjunta konsege identifika medikamentu balun ne’ebé la priense rekezitu saúde nian.

“Ami mai iha ne’e primeiru atu halo inspesaun ida no mós vizita haree ai-moruk sira ne’ebé mak iha informasaun dehan katak la tuir nia rekezitu ou nia estandar. Entaun buat sira ne’e hotu ohin ita hotu haree katak husi ai-moruk sira ne’e tama mai ne’e, kompañia fornese mai ne’e iha ai-moruk oin tolu mak hetan rejeisaun husi SAMES, ida haree ho matan de’it SAMES rejeita kedas inísiu, depois ida fali SAMES mós hola inisiativa haruka ba laboratóriu Austrália nian hodi halo teste, ninia rezultadu dehan katak ai-moruk ne’e la priense rekezitu ou nia kualidade ne’e menus”, Diretór IJE ne’e hafoin termina inspesaun iha SAMES, Kampung Alor, Kinta (22/10/2020).

Francisco akresenta, ekipa konjunta IJE rasik sei halo investigasaun relasiona ho asuntu ne’e.

“Ai-moruk sira ne’e mai kada tinan sempre destroi, ita destroi sempre lakon osan lubuk ida mak ba ne’e. Ne’ebé ida ne’e ami-nia ekipa ne’e husi IJE, KAK no PDHJ hamutuk sei buka tanba sá mak buat ne’e akontese, teknikamente depois ami sei hato’o relatóriu”, tenik nia.

Diretór SAMES, Santana Martins, rekoñese, iha medikamentu balun ne’ebé SAMES sosa husi Índia la tuir padraun. Tanba ne’e Santana justifika, medikamentu hirak ne’e sei la distribui ba ospitál no sentru saúde sira.

“Sira rasik haree, bazeia ba dokumentu despaixu husi sua exelensia Primeiru Ministru (PM) sobre problema ida liga ho ai-moruk Amoxilin ne’ebé maka substandar ka nia kualidade ladun di’ak. Entaun husi prosesu hirak ne’e fó tempu ba ami bele responde saída mak inspetór sira hakarak, depois ami sei fó fila-fali informasaun iha tempu tuir mai”, konfirma Diretór SAMES.

Kona-bá orsamentu ne’ebé governu prevé liu husi Ministériu Saúde (MS) hodi sosa medikamentu ne’e, líder másimu SAMES rejeita fó komentáriu, tanba sei iha prosesu auditoria.

“Ne’e ha’u labele fó resposta lai, tanba ne’e prosesu sei la’o hela, depois auditoria hotu mak ami bele esklarese”, termina Santana.

Entretantu medikamentu hirak ne’e mak hanesan Dopamin Injesion, Amoxilin ka Sarope no Aritromesina.

Iha medikamentu balun SAMES halo ona teste laboratóriu iha Austrália no deskobre katak, medikamentu hirak ne’e bele fó risku ba saúde umana. Medikamentu sira ne’e, Governu sosa husi empreza ESCO husi Índia no importa mai Timor-Leste, iha fulan Setembru, tinan ne’e. san

Lee hotu :   Kazu rekoperadu COVID-19 mantein 20  Hein rezultadu laboratóriu 73

Add to Comments Here!!!!

error: Content is protected.
Secured By miniOrange
You might also like:
PN-VPM diskute projetu laiha kontratu

Parlamentu Nasionál (PN) liu husi deputadu...

PR Lú Olo: Saudozu “Buka Tuir” nu’udar ema pasiénsia na’in

Prezidente Repúblika (PR), Francisco Guterres “Lú...

PN: La nesesáriu PSIK ka’er kilat

Parlamentu Nasioinál (PN) liu husi deputadu...

Close