JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu diskrimina saláriu ba profesór kontratadu

Governu diskrimina saláriu ba profesór kontratadu

Profesór kontratadu, Eurico Filipe Ximenes Belo, konsidera, Ministériu Edukasaun (ME) hamosu diskrimanasaun saláriu ba profesór kontratadu Ensinu Báziku no profesór Ensinu Sekundáriu Jerál sira, tanba iha tempu kontratu hanesan, maibé saláriu la hanesan.

“Sente Governu liu husi ME halo diskriminasaun, tanba ami-nia saláriu ba profesór Enzinu Báziku kada fulan USD 204 ba Ensinu Sekundáriu Jerál saláriu ne’e USD 260, ami haree iha termu ne’e, termu jerál, maibé diferénsia iha salaríu, tanba saída mak uza sistema hanesan ne’e, maske saláriu diferénsia, maibé termu kontratu hanesan de’it ita haree ba lei laiha diferensia“, Profesór kontratadu ne’e ba GMN bainhira komisaun G Parlamentu Nasionál (PN) hala’o fiskalizasaun ba postu administrativu Quelicai, munisípiu Baucau, foin la-lais ne’e.

Tuir Eurico, alende ME halo diskriminasaun saláriu, profesór kontratadu sira mós ladauk simu saláriu hahú husi fulan Janeiru to’o ohin loron.

“Ami ezije nafatin ami-nia direitu, bainhira mak ami atu simu fali ami-nia saláriu fulan Janeiru nian“, dehan Profesór kontratadu ne’e.

Sekretária komisaun G PN, Gabriela Alves, hateten, Orsamentu Jerál Estadu (OJE) tinan 2020 foin la-lais ne’e iha eis Ministra Edukasaun, Dulce de Jesus, PN aprezenta no halo audénsia ona ho eis Ministra, nia (eis ministra) problema refere rezolve ona.

“Maibé realidade ohin ami iha terenu problema profesór kontratadu kontinua sei iha Governu liu husi ME seidauk rezolve. Kona-bá preokupasaun hirak ne’e ami labele halo promesa, buat hotu tenke sai loos, ami esforsu saída mak preokupasaun ba ita-nia estudante no profesór sira, ami sei esforsu hodi ko’alia iha plenária. Ami sei hato’o ba ministériu atu revé lei ne’e hodi ajuda profesór sira servisu hahu iha 2013 to’o ohin loron labele diskrimina ema ne’e to’o tinan 10-20”, tenik Gabriela.

Ho nune’e Sekretária komisaun G PN ne’e, promete, PN sei hato’o ba ME atu revé fali lei hodi ajuda servisu profesór sira ne’ebé servisu hahú husi tinan 2013 to’o ohin loron, nune’e labele hamosu diskriminasaun.

Tuir dadus husi ME, profesór kontratadu hamutuk 4208, husi númeru ne’e iha loron 9, fulan Dezembru, tinan 2019 profesór kontratadu 408 mak asina ona kontratu. ety

Lee hotu :   Kada tinan Timor-Oan sofre TBC 400

Add to Comments Here!!!!

error: Content is protected.
Secured By miniOrange
You might also like:
Governu deside fó kompeténsia ba DJ asina kontratu

Governu liu husi Konsellu Ministru (KM)...

SEKOMS no órgaun komunikasaun halo kampaña kombate hoax

Sekretáriu Estadu Komunikasaun Sosial (SEKOMS), Mericio...

GMD bandu vendedór Kampung Baru fa’an iha estrada-ninin

Xefe Jestaun Merkadu Munisípiu Díli, Berta...

Close