JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

HIV/AIDS hamate ona ema na’in 143 iha Timor-Leste

HIV/AIDS hamate ona ema na’in 143 iha Timor-Leste

Xefe Programa Moras Hada’et Relasaun Seksuál, Ministériu Saúde (MS), Davíd Verdial, hateten, hahu husi tinan 2003 to’o iha fulan Jullu, tinan 2020, Ministériu Saúde (MS) rejista kazu pozitivu Human Immunodeficiency Virus, Acquired Immune Deficiency Syndrome (HIV/SIDA) hamutuk 1194 no husi númeru ne’e ema na’in 143 mak lakon vida.

“Iha haree ba situasaun ne’ebé agora ladún virál hanesan COVID-19, ita rejista ona kazu pozitivu ho númeru ne’ebé boot (1194), ita bele dehan ne’e angka boot, COVID de’it 30, sei iha Indonézia no nasaun sira seluk ema hotu trauma, mais HIV/SIDA sirkula iha Díli laran mais ema biasa de’it”, Xefe Programa Moras Hada’et Relasaun Seksuál MS fó sai informasaun ne’e bainhira sai oradór iha semináriu nasionál kombate HIV/SIDA, iha salaun kongresaun Dominicana, Bidau, Díli, Kinta (29-10-2020).

Davíd relata, husi númeru ema ho HIV/SIDA ne’ebé iha na’in 500 resin mak halo hela tratamentu Anti Retro Viral (ARV), maibé iha situasaun seluk mós ema ne’ebé teste ba HIV/AIDS pozitivu, maibé lakohi ba halo tratamentu.

“Dalaruma ita ko’alia kona-bá HIV iha ema balun mak ita halo teste ba sira,  pois sira hetan tiha pozitivu HIV/SIDA, sira la ba halo ona tratamentu, ne’ebe ha’u atu hateten de’it katak, husi ema 545 mak oras ne’e ativu tratamentu restu ARV”, tenik Xefe Programa Moras Hada’et Relasaun Seksuál MS ne’e.

Iha fatin hanesan, Sekretáriu Ezekutivu Comissão Nasional Combate ao HIV-SIDA de Timor Leste (CNCS-TL), Atanásio de Jesus, hateten,  CNCS-TL iha papél importante atu hatutan informasaun ba estudante sira, maibé estudante sira mós tenke kontinua habelar informasaun ba komunidade sira, atu nune’e sidadaun hotu bele prevene-an husi HIV/AIDS.

“Iha fulan lima liu ba ne’e ita konsentra liu ba COVID-19, entaun HIV ita haluha, mais keta haluha HIV mós oho ema nono’ok de’it, nia fó perigu ba ema ita sei sente nia perigu loloos ne’e bele dehan iha tinan 2050, ita Timor mós sei mate ba HIV, ne’e mak ita nono’ok lakohi kombate no prevene ita sei sente fali iha tinan hirak mai”, tenik Sekretáriu Ezekutivu CNCS-TL ne’e.

Prezidente Fundasaun Klibur São Domingos University, Gaspar da Costa Pacheco, hateten, presiza ema hotu tau hamutuk hanoin hodi bele servisu maka’as, hodi luta hasoru HIV/AIDS iha nasaun ida ne’e.

Liu husi semináriu ida ne’e ita hotu fila sei hatutan informasaun ne’ebé ita hetan husi ida ne’e ba inan-aman, ba kolega juventude sira, oinsa atu bele hatene HIV/AIDS atu bele hado’ok-an husi moras ida ne’e, tanba moras ida ne’e presiza ita hotu nia servisu hamutuk, hanoin hamutuk elabora hamutuk atu bele servisu ba iha futuru bele minimiza moras ida ne’e husi ita hotu”, tenik Gaspar.

Semináriu nasionál ne’e, ho tema hamutuk ita kombate HIV/SIDA iha Timor-Leste ne’ebé realiza husi Klibur Estudante São Domingos University, servisu hamutuk ho CNCS-TL, hodi fahe informasaun ba estudante sira.

Entretantu dau-daun ne’e sentru saúde ne’ebé estabelese iha teritóriu Timor-Leste hamutuk 69, maibé iha sentru tratamentu ba HIV/SIDA hamutuk ualu (8), kompostu iha ospitál referál lima (5), sentru komunidade ida (1), inklui Klínika Bairro Píte. eni

Lee hotu :   MEJD enfrenta dezafiu durante pandemia COVID-19

Add to Comments Here!!!!

error: Content is protected.
Secured By miniOrange
You might also like:
Xanana Gusmão: Timor-oan hotu tenke respeita kultura Timor

Líder Nasionál Xanana Gusmão, husu Timor-oan...

Governu aprova dekretu lei servisu militár obrigatóriu

Governu aprova dekretu lei foun hodi...

PNTL sei pasa revista movimentasaun sidadaun iha loron finadu

Vise Ministru Interior (MI), António Armindo, hateten, Governu...

Close