JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Médiku HNGV konsidera feto TL moe fó sai sira-nia moras

Médiku HNGV konsidera feto TL moe fó sai sira-nia moras

Médiku Jerál iha Hospital Nacional Guido Valadares (HNGV), Raimundo dos Santos, konsidera feto iha Timor-Leste sei kontinua moe atu fó sai ou informa sira-nia moras ba médiku sira, ho nune’e pasiente feto balun afeta ona kankru susun avansadu foin ba halo tratamentu.

“Médiku iha HNGV prontu atu simu kualker pasiente, maibé dalaruma pasiente sira mak tarde aprezenta-an, ida ne’e sai kestaun no isu boot ba operadór, doutór, familía no vítima rasik, kestaun hirak ne’e tanba de’it koñesimentu menus, maibé mós dalaruma iha área balun afetadu ba kankru susun liga ho kustume lakohi atu nakloke-an ba ema seluk, tanba inan-feton sira konsidera kankru susun ne’e área segredu no lakohi atu ba halo tratamentu sedu. Ita-nia preokupasaun mak feto sira susar atu deskobre-an no tarde halo aprezenta-an ba iha fasilidade saúde sira, bainhira hetan ona moras, maibé sira konsidera ida ne’e moras segredu, maibé ha’u nia esperansa ba oin ita tenke ko’alia moras susun ka moras iha área saída de’it, ita ko’alia sai bai-bain tiha de’it labele moe”, Médiku Jerál HNGV ne’e ba jornalista sira hafoin partisipa semináru kona-bá kankru susun iha rezidénsia Xanana Reading Room, Lecidere-Díli, Kuarta (01-10-2020).

Ho kestaun ne’e, Raimundo husu ba inan-feton sira atu konsidera moras kankru susun hanesan moras malária katak ema hotu bele hatene, labele subar, atu nune’e médiku sira halo atendimentu ho la-lais.

“Kankru susun la’ós moras ne’ebé segredu ka sakral no la presiza subar moras ida ne’e presiza hetan atendimentu urjente, tanba moras refere halo ona ema barak mate. Kauza loloos husi kankru susun ne’e nia multi fatoriál, la’ós hanesan han masin senti mer, maibé moras refere ida mai husi jerasaun, husi avó feto ka avó mane, husi apa no ama nian, hetan ona kankru susun, signifika oan sira mós sei iha, katak ida ne’e sees la di’ak. Ita hatene katak pursentu 99 husi kankru ataka feto, menus husi pursentu 1 mak kona mane, tanba ne’e feto sai hanesan fatór ida ne’ebé ita modifika la di’ak, moras kankru susun ba feto sira sei la kous oan, mezmu que fulan nia menstruasaun mai hela de’it, maibé nafatin la kous bebe”, tenik médiku Jerál HNGV ne’e.

Husi sorin seluk, Diretora Ezekutivu Fundasaun Alola, Maria Imaculada Guterres, reforsa katak, Fundasaun Alola buka ona meius atu hasa’e konsiénsia no importansia atu halo deteksaun sedu ba sinál moras kankru susun.

“Ita hatene katak durante ne’e ami rejistu kazu besik 250, kazu hirak ne’e deskonfia ba iha kankru susun no kankru serviks, mai to’o ohin kazu rejistu pozitivu ba kankru susun iha HNGV besik ona 15, maibé restu sei iha prosesu ezaminasaun. Kona-bá kankru susun to’o ohin loron parte Alola seidauk hatene nia kauza loloos mai husi ne’ebé, maibé iha fatór lubuk ida mak kontribui. Fundasaun Alola iha ona meius atu tulun komunidade ne’ebé afeta kankru susun, liu husu atividade prevensaun hasa’e konsiénsia no fasilita tratamentu”, tenik Diretora Ezekutivu Fundasaun Alola ne’e.

Entretantu dau-daun ne’e ema ne’ebé afeta kankru susun mai ho idade produtiva, balun mai ho idade 14, 18 to’o 40.

Fundasaun Alola servisu hamutuk ho Komite Nasionál Kankru Susun Timor-Leste, hamutuk ho médiku espesialista sira atu sira bele fahe esperiénsia kona-bá kankru susun, liu-liu ba hirak ne’ebé disponivel halo tratamentu iha Hospital Nacional Guido Valadares (HNGV). eni

Lee hotu :   COVID-19 TL, Pasiente maioria juventude ho imunidade diak

Add to Comments Here!!!!

error: Content is protected.
Secured By miniOrange
You might also like:
CNRT husu PM Taur halo reflesaun ba asaun polítika sira durante ne’e

Deputada bankada CNRT, Bendita Moniz Magno,...

Rekupera ekonomia rai-laran, MAP tenke fó prioridade ba setór agrikultura

Reitor Universidade da Paz (UNPAZ), Adolmando...

CNRT nota Governu rejista COVID-19 hanesan halo politizasaun

Bankada CNRT konsidera Governu rejista kazu...

Close