JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS apela ba sidadaun sira kumpre nafatin medida preventiva COVID-19

MS apela ba sidadaun sira kumpre nafatin medida preventiva COVID-19

Ministeriu Saúde (MS) liu husi Komisaun Nasionál COVID-19, apela ba populasaun tomak iha Timor-Leste atu mantein no kumpre nafatin medida preventiva sira, hodi prevene surtu COVID-19, tanba COVID-19 sai ameasa ba mundu, inklui Timor-Leste.

Apelu ne’e MS hato’o relasiona ho Timor-Leste rejista tan kazu pozitivu Covid-19 iha loron 26, fulan Outubru, tinan 2020, pasiente ne’e nu’udár  sidadaun Indonézia ho idade 59 no dau-daun ne’e pasiente ne’e baixa hela iha sentru Izolamentu Vera Cruz.

“Husu nafatin ba komunidade hotu-hotu atu nafatin iha konsiénsia ba ita-nia-an rasik katak, bele aplika medida preventiva ne’ebé mak MS no Organizasaun Mundiál Saúde (OMS) hato’o tiha ona atu bele nafatin prevene ita-nia-an husi moras COVID-19 mak uza máskara, distansiamentu fiziku no sosiál, fase-liman bei-beik ho sabaun atu bele evita la’ós husi moras COVID ne’e rasik, maibé evita mós ita husi moras oi-oin iha ita-nia sosiedade nia leet”, Koordenadora Jerál Corona Virus Disease 2019 (COVID-19), Odete da Silva Viegas hato’o lia hirak ne’e liu husi konferénsia imprensa iha salaun Palaçio das Cinzas, Caicoli-Díli, Segunda (26/10/2020).

Nune’e mós, Vise Koordenadór Jerál COVID-19 interinu, Nilton da Silva  do Carmo, hateten, ho situasaun ne’e Governu Timor-Leste liu husi MS husu ba sidadaun sira atu nafatin kumpre regra tuir OMS, tanba moras COVID-19 sei eziste iha mundu.

MS ho OMS tenke fó hanoin nafatin ba sidadaun sira atu tuir nafatin regra prevensaun COVID-19.

MS nafatin tuir padraun OMS katak ate a data pandémia Covid-19 seidauk deklara katak remata. MS ho OMS nia papel tenke fó hanoin nafatin ba sidadaun sira atu tuir nafatin regra prevensaun COVID-19. Ida ne’e mak papel MS atu fó hanoin nafatin ita-nia populasaun atu bele prevene-an husi COVID-19”, tenik Nilton.

Iha sorin seluk, komunidade, Filomena da Costa Ramos, husu ba ministériu relevante sira atu iha seriedade kombate COVID-19, tanba vírus refere fásil da’et ba ema seluk no fó ameasa boot ba ema-nia vida.

“Husu ba ministériu relevante sira liu-liu MS atu bele halo desinfetante mais ou menus dalarua semana ida, iha komunidade sira-nia hela fatin, tanba ita haree kuandu ita la halo desinfetante iha komunidade sira-nia hela fatin, eskola no fatin seluk, maka bele akontese, kuandu vírus ne’e iha duni mak fásil moras ne’e hada’et ba ita hotu”, sujere Filomena.

Entretantu, tuir dadus husi MS iha loron 26, fulan Outubru, tinan 2020, totál númeru teste 10635, hein rezultadu 352, rekuperadu 29, rezultadu negativu 10253, sidadaun ne’ebé tama illegal hahú husi loron 1 to’o 25 fulan Outubru, tinan ne’e, hamutuk 24, totál kuarentena 362, pasa ona kuarentena loron 14 hamutuk 5462. car

Lee hotu :   Dosente IPB Nain 10 Simu Posse

Add to Comments Here!!!!

error: Content is protected.
Secured By miniOrange
You might also like:
PN aprova rezolusaun ba bebé infantisídiu ho unanimidade

Parlamentu Nasionál (PN) kinta lejislatura aprova...

PM Taur rejeita COVID-19 iha TL fabrikadu

Primeiru Ministru (PM), Taur Matan Ruak,...

Governu lansa ona programa sesta bázika

Vise Primeiru Ministru no Ministru Planu...

Close