JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Pagamentu ba profesór kontratadu iha ona prosesu

Pagamentu ba profesór kontratadu iha ona prosesu

Relasiona ho problema saláriu profesór kontratadu sira husi eskola balun iha teritóriu Timor-Leste ne’ebé durante ne’e la simu saláriu maske hala’o ona sira-nia dever, Ministru Edukasaun Juventude no Desportu (MEJD), Armindo Maia, informa, iha ona prosesu ba pagamentu, tanba ne’e tempu badak sira bele simu ona sira nia saláriu.

“Kontratu sira ne’e rezolve hotu ona, orsamentu Prezidente Repúblika (PR) promulga tiha ona agora prosesu hela, ha’u hanoin fulan Novembru ne’e sira bele simu ona sira nia saláriu”, MEJD ne’e ba jornalista sira, Kuarta (28/10/2020), iha salaun INFORDEPE Balide-Díli.

Antes ne’e, profesór kontratadu sira iha ensinu bázika filial husi munisípiu Ermera no munisípiu Baucau hato’o preokupasaun kona-ba sira-nia saláriu sira ba komisaun G Parlamentu Nasionál (PN), bainhira hala’o fiskalizasaun iha munisípiu refere.

Alende ne’e mós, Prezidente Komisaun G PN, António Verdial Sousa, hateten, problema kona-bá saláriu profesór kontratadu sira la’ós de’it iha munisípiu rua de’it, maibé iha teritóriu Timor laran tomak.

Ho nune’e, António sujere ba Governu oinsa iha Orsamentu Jerál Estadu (OJE) tinan 2021 atu tau mós orsamentu boot iha setor edukasaun. jen

Lee hotu :   HNGV rekoñese kondisaun hariis-fatin ladi’ak

Add to Comments Here!!!!

error: Content is protected.
Secured By miniOrange
You might also like:
MS apela ba sidadaun sira kumpre nafatin medida preventiva COVID-19

Ministeriu Saúde (MS) liu husi Komisaun...

PN aprova rezolusaun ba bebé infantisídiu ho unanimidade

Parlamentu Nasionál (PN) kinta lejislatura aprova...

PM Taur rejeita COVID-19 iha TL fabrikadu

Primeiru Ministru (PM), Taur Matan Ruak,...

Close