JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: COVID-19 kontinua sai inimigu TL nian

PM Taur: COVID-19 kontinua sai inimigu TL nian

Primeiru Ministru (PM), Taur Matan Ruak, hateten, pandémia COVID-19 kontinua sai inimigu nasaun nian. Xefe Governu ne’e konsidera, tinan 2020 ne’e tinan COVID-19 nian, moras kontajioza ne’ebé sírkula ba mai iha mundu afeta no hamate ema no difikulta ema, família no sosiedade sira-nia moris sosiál no ekonómika.

“COVID-19 kontinua sai ita-nia inimigu boot, Governu determinadu loos, mezmu ho difikuldade ne’ebé ita hotu hatene, ne’ebé ita prontu para derota nia iha ita-nia rai. Ita lakohi husik nia atu mai perturba ita-nia moris no hamate sidadaun sira-nia vida”, PM ne’e iha ninia intervensaun ba debate pedidu estensaun Estadu Emerjénsia (EE) ba daneen iha Parlamentu Nasionál (PN), Tersa (27-10-2020).

Taur Matan Ruak, hateten, Timor-Leste inklui mós iha nasaun 20 resin mak laiha ema mate tanba Covid-19. Tanba husi kazu 30 ne’ebé Timor-Leste iha, 29 rekuperadu no laiha mate, ida ne’e hanesan konkista koletiva povu no nasaun nian, la’ós Governu nian de’it.

Maibé Xefe Governu ne’e kontinua defende investimentu maka’as iha rekursu no medida prevensaun hanesan kontrola ema no sasán sira-nia movimentu iha fronteira terestre marítima no aérea. Alende ne’e, kuarentena rigorozu ba ema sira ne’ebé tama mai rai-laran, hodi identifika no izola kazu importadu, atu nune’ labele hada’et ba komunidade, tau matan ba ijiene pesoál, distansiamentu sosiál tuir risku no ameasa ne’ebé evolusaun ne’e iha.

“Tuir ita-nia rejime jurídiku medida sira ne’e só bele implementa rigor iha sosiedade nia leet, sé ita implementa EE ho fundamentu iha situasaun de kalamidade públika, tanba ne’e, ohin Governu husu ho haraik-an atu Parlamentu Nasionál bele autoriza para que Prezidente Repúblika (PR) ba fulan ida tan renovasaun EE, depois de remata ida ne’ebé vigor agora dau-daun ne’e”, dehan PM ne’e.

Taur hateten, COVID-19 seidauk hotu, sei ativa no sírkula ba mai mundu tomak, nune’e nia parte alerta nafatin atu labele husik moras aat ne’e da’et tan Timor-Leste, hodi perturba no hamate moris sidadaun sira-nian.

“O arrenpedimento vem depois, buat ne’ebé mak ita la halo nia kustu no konsekuénsia ne’e boot liu. Tanba ne’e mak ami agradese boot mai iha Parlamentu Nasionál ne’ebé lidera husi Prezidente Parlamentu no husi bankada hotu ne’ebé kontinua fó apoiu solidariedade ba Governu no nasaun tomak ba PR, atu nune’e ita bele bali ita-nia rain. Ne’e la’ós primeira vez mak ita halo ida ne’e. Ita ida ne’e dalabarak ona bainhira ita nia nasaun sofre risku”, hateten Xefe Governu ne’e.

Entretantu pedidu estensaun EE ba daneen ne’e aprova ona iha Parlamentu Nasionál ho votu a favor 42, kontra no abstensaun 0, husi deputadu 43 ne’ebé marka prezensa iha debate ne’e. oct

Lee hotu :   PN husu MESSK tau atensaun ba universidade privadu redus propinas

Add to Comments Here!!!!

error: Content is protected.
Secured By miniOrange
You might also like:
Hakerek cavalos marinhos iha karta ba MTK, MNEK rekoñese hanesan lapsu

Diretór Jerál (DJ) Konsular Protokolár no...

PN autoriza aplika EE ba dahitu

Reprezentante povu iha Parlamentu Nasionál (PN)...

FADA-TALATA realiza konferénsia direitu saúde reprodutiva

Atu hasa’e konsénsia públiku hodi evita...

Close