JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana husu komunidade Samalete proteje-an husi COVID-19

Xanana husu komunidade Samalete proteje-an husi COVID-19

Líder Nasionál Kay Rala Xanana Gusmão, husu ba komunidade Samalete atu proteje-an husi surtu COVID-19, nune’e mós esplika kona-bá lala’ok COVID-19 ba komunidade iha suku Samalete.

Iha oportunidade ne’e mós, Xanana Gusmão hatudu ezempu kona-bá oinsa vírus ne’e bele da’et husi ema ida ba ema seluk.

 “Ha’u husu ba inan-aman no juventude sira iha munisípiu Ermera atu kumpre regra ne’ebé Ministériu Saúde (MS) no Organizasaun Mundial Saúde (OMS) fó sai ona, tanba virus ne’e perigozu uitoan hodi da’et la-lais, ha’u fó ezemplu ha’u mak lori vírus ha’u ba kaer ema ida nia liman no ko’alia ho ema ne’e depois ema ne’e bele kona ona virus ne’e, depois ema ne’e lori tan virus ne’e ba nia família sira, ikus mai família uma laran mós kona hotu kedas moras aat ida ne’e, tanba ne’e mak ha’u husu ba imi atu kuidadu-an nafatin ita prevene do que ita kura no to’o agora ninia ai-moruk seidauk iha, tanba ne’e mundu mós preokupa hotu kona-bá vírus ne’e, tanba oho ona ema millaun ba millaun iha mundu”, Líder Karismátiku ne’e bainhira vizita ba munisípiu Ermera, Kuarta (28/10/2020).

Xanana akresenta mós katak, impaktu COVID-19 ne’e afeta mós ekonomia iha mundu.

“Durante moras ne’e mosu halo mundu tomak araska tebes atu hetan osan, hodi ekonomia monu, inklui Timor-Leste, tanba investidór sira tauk atu investe, situasaun ida ne’e halo komunidade internasionál mós preokupa, tanba ne’e ha’u apela ba juventude sira ne’ebé hela iha Díli bainhira Estadu implementa lockdown tenke kumpre atu labele lori moras husi sidade Díli mai iha foho hodi fó impaktu ba inan-aman sira ne’ebé hela iha foho”, katak Líder Nasionál ne’e.  

Vizita Xanana nian ne’e komunidade simu ho entuziasmu tebes, simu Líder Karismátiku ho kultura suku Samalete nian.

Partisipa iha sosializasaun ne’e komunidade mai husi suku lima, kompostu husi suku Samalete, Deleco, Tavaca, Railaco-Leten no Railaco Kraik. aba

Lee hotu :   MESSK sei asegura kualidade iha Ensinu Superior sira

Add to Comments Here!!!!

error: Content is protected.
Secured By miniOrange
You might also like:
Ramos Horta: Indonézia nunka aseita Planu Paz

Eis Prezidente Repúblika, José Ramos Horta,...

Governu aprova proposta lei hari’i tribunál supremu

Projetu proposta lei hari’i Tribunál Supremu...

HIV/AIDS hamate ona ema na’in 143 iha Timor-Leste

Xefe Programa Moras Hada’et Relasaun Seksuál,...

Close