JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

COVID-19 impede MS vizita Sentru Saúde sira

COVID-19 impede MS vizita Sentru Saúde sira

Ministra Saúde, Odete Maria Freitas Belo, hateten, durante ne’e la hala’o vizita ba Sentru Saúde no ho Postu Saúde sira, tanba sei la’o hela ho situasaun COVID-19, inklui orsamentu COVID, Orsamentu Jerál Estadu (OJE) tinan 2020 no OJE 2021.

“Agora dau-daun ita iha hela orsamentru, entaun tempu ba ita atu halo vizita ba iha Sentru Saúde, postu saúde sira ne’e laiha, entaun ohin loron ha’u tenke prepara orsamentu ba aprezenta iha Parlamentu Nasionál (PN), iha loron Segunda 9, fulan ne’e, entaun ohin dadersan ne’e ha’u deside mai vizita ba Sentru Saúde ne’ebé maka besik liu-liu iha postu saúde ida ne’e”, Ministra Saúde ne’e bainhira hala’o vizita ba iha postu saúde Tasi Tolu, Sesta (06-11-2020), hodi haree diretamente kondisaun postu refere.

Odete esplika, OJE 2021 Ministériu Saúde sei tau prioridade ba reabilitasaun postu saúde sira bazeia ba leventamentu ne’ebé parte lojístika MS hala’o iha tinan 2019 no 2020.

“Kontrusaun reabilitasaun ne’ebé mak iha ita hein orsamentu 2021, tanba orsamentu 2020 ita la koloka ba iha reabilitasaun kontrusaun, entaun konstrusaun ba 2021 haree liu ba iha postu saúde sira, ha’u espera katak postu saúde Tasi Tolu ne’e mós inklui iha laran hotu, tanba ami identifika ona postu saúde 11 mak atu halo reabilitasaun, inklui ho nia rezidénsia”, tenik Odete.

Iha fatin hanesan, Responsabel Postu Saúde Tasi Tolu, Agostinha Correia Belo, informa, problema ne’ebé sira hasoru mak laiha espasu no laiha moru protesaun, inklui laiha osan.

“Kondisaun ami nia fatin mak klo’ot i moru protesaun laiha, depois AC mós laiha, pasiente mós barak, bee mós agora dau-daun ne’e ami mak baku rasik, hola rasik sanyo monta bee ne’ebé ami bele dehan katak, bee iha postu ne’e sufisiente para ami uza, mais hanesan PAM ou bee Estadu ne’e seidauk tama ida”, tenik Agostinha. 

Entretantu Postu Saúde Tasi Tolu kobre aldeia rua hanesan aldeia 12 de Outubro suku Comoro no aldeia Terra Santa suku Madohi. Inklui pesoál saúde hamutuk 6, médiku 2, enfermeira 1, parteira 1, farmasista 1, dentista 1, inklui cleaner 1. sis

Lee hotu :   CNC identifika fatin istóriko 50 iha Dili

Add to Comments Here!!!!

error: Content is protected.
Secured By miniOrange
You might also like:
FRETILIN rejeita sesta bázika atu kompete ho Xanana nia asaun

Deputadu bankada FRETILIN, Joaquim dos Santos,...

Alkatiri sei keixa ba MP kona-bá kazu Skylight

Sekretáriu Jerál partidu FRETILIN, Marí Alkatiri,...

Xanana Gusmão triste rona família saudozu Samba Sembilan la simu subsídiu veteranu

Kay Rala Xanana Gusmão, Sesta (06/11/2020),...

Close