JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MESSK fó oportunidade ba veteranu nia-oan 600

MESSK fó oportunidade ba veteranu nia-oan 600

Ministru Ensinu Superior Siénsia no Kultura (MESSK), Longuinhos dos Santos, hatete, veteranu nia-oan hirak ne’ebé atu asesu ba ensinu superiór sei halo selesaun iha ida-idak nia munisípiu, tanba ministériu relevante mós sei haree di-di’ak antes tama iha universidade.

“Ita foin dau-daun téknikamente halo ona akordu ho Ministériu Asuntu Kombatente Libertasaun Nasionál ni’an, nia preferénsia atu aprova por volta de 500 to’o 600, ne’ebé mak reprezenta husi munisípiu hotu-hotu tenke mai, liu-liu reprezentante veteranu nia-oan no veteranu tuir lei haruka, tanba ne’e por volta de 50 pessoas husi kada munisípiu ita vezes ba 12 munisípiu, inklui RAEOA, ne’e nia total mak ohin ha’u temi ne’e”, MESSK ne’e hafoin hala’o enkontru ho Konsellu Jerál Institutu Nasionál Siénsia Téknolojia, Kinta (05/11/2020), iha edifísiu MESSK- Colmera-Díli.

Governante ne’e hatutan, ba estudante sira  iha munisípiu ne’ebé remata ona estudu iha tinan hirak liu ba no hakarak tama iha Universidade Nasionál Timor-Leste (UNTL) no Institutu Politékniku Betanu (IPB), sira nia rejistrasaun remata ona, tanba ne’e hein de’it etapa tuir mai.

“Prosesu ba rejistrasaun estudante foun ne’ebé atu tuir ezame seidauk finaliza, tanba oras ne’e dau-daun foin tama ba faze análiza, rejistrasaun hotu ona, tanba ne’e hein de’it ona bainhira faze análiza ba prosesu tomak hotu, ami bele informa ba ita boot sira”, dehan Governante ne’e.

Antes ne’e, iha loron 12, fulan Setembru ne’e, MESSK informa sei fasilita família kbi’it la’ek sira nia-oan hamutuk 900 resin atu asesu ba UNTL no IPB.

Implementasaun ba rejime espesiál ne’e hahú kedas husi tinan 2016 ho kategoria ba iha rejime espesiál hamutuk 17 mak hanesan kategoria ba veteranu nia-oan sira, ema ho defisiénsia, F-FDTL no PNTL, inklui sira seluk. jen

Lee hotu :   Motorista tula pozitivu COVID-19, Kumpri ona kuarentena iha Mota-ain

Add to Comments Here!!!!

error: Content is protected.
Secured By miniOrange
You might also like:
PTR simu Xanana nia krítika

Prezidente Tribunál Rekursu (PTR), Deolindo dos...

Labele halo diskriminasaun subsídiu ba reklamante sira

Xefe suku Camea, Matos Costa, deklara,...

MJ sei demite membru PSIK bainhira uza sala arma

Ministru Justisa (MJ), Manuel Cárceres da...

Close