JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS deklara Timor-Leste livre husi kazu malária

MS deklara Timor-Leste livre husi kazu malária

Ministra Saúde, Odete Maria Freitas Belo, hatete, Ministériu Saúde (MS) konsege hamate no halakon moras malária iha Timor-Leste, kompara ho nasaun viziñu Indonézia, tanba la konsege halakon moras malária iha sira-nia nasaun.

“Ita laiha kazu, ita konsege hamate ou halakon moras malária ida ne’e ba to’o 0,1%, servisu ne’ebé Ministériu Saúde (MS) atinjimentu ne’ebé mak furak tebes, ne’ebé MS halo em termus de caso malária ninian”, Ministra Saúde hato’o asuntu ne’e iha ninia diskursu bainhira abertura enkontru konsulta alargada revizaun planu estratéjiku nasionál iha Setór Saúde (PENSS) 2011-2030 ba edisaun daruak iha salaun Parokiál Same, semana ne’e.

Odete subliña, dau-daun ne’e Timor-Leste livre husi malária, kompara ho nasaun viziñu Indonézia hanesan Kupang no Atambua ne’ebé la konsege halakon moras malária.

“Ha’u dehan kapas tanba saída, tanba ita-nia nasaun viziñu hanesan Indonézia ita besik teb-tebes ho Kupang ho Atambua ne’ebé mak la konsege diminui malária no sira laiha programa ne’ebé di’ak atu redus kazu malária, maibé ita konsege halo zero kazu malária, ne’e servisu ne’ebé furak teb-tebes husi programa malária halo”, dehan Ministra Saúde ne’e.

Iha biban ne’e mós, Odete husu ba profesionál saúde sira tenke hakbesik-an ba komunidade, atu nune’e komunidade mós bele koñese profesionál saúde sira, hodi sira bele fásil hato’o sira moras.

“Prioridade ne’ebe ita hakarak atu halo atu lori servisu saúde ne’e besik liu ba ita-nia komunidade, ita hakarak atu hakbesik, la’ós lori de’it servisu, maibé ita hakarak ita-nia komunidade ne’e koñese ita, sé mak Doutor António, sé mak Doutor José no sé mak Doutora Maria, sira tenke koñese ita, bainhira mak sira koñese ita, fásil ba sira atu hatete sira-nia moras ba ita i fásil ba ita atu identifika sira-nia moras”, realsa Governante ne’e.

Tuir Odete, atu lori prestasaun servisu saúde ba komunidade, MS labele la’o mesak, maibé presiza koordenasaun no kooperasaun ho parseiru dezenvolvimentu sira, Organizasaun Naun Govermentál (ONG) lokál sira, liu-liu líder komunitária sira. eni

Lee hotu :   HNGV selebra nia aniversáriu ba dala 17

Add to Comments Here!!!!

error: Content is protected.
Secured By miniOrange
You might also like:
Arsénio: Iha estratéjia rasik lori Ró Haksolok mai Timor-Leste

Prezidente Autoridade Rejiaun Administrativa Espesiál Oe-Cusse...

CNRT kestiona autoridade RAEOA propoin rihun USD 70

Deputada CNRT, Maria Fernanda Lay, kestiona...

Xanana ba check up nia saúde iha Jakarta

Eis Prezidente Repúblika (PR), Kay Rala...

Close