JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Valerie Taton: Labarik barak hahú iha nutrisaun di’ak

Valerie Taton: Labarik barak hahú iha nutrisaun di’ak

Reprezentante United Nations Children’s Fund (UNICEF) iha Timor-Leste, Valerie Taton, hatete, progresu drástiku ne’ebé mak Governu Timor-Leste atinji, hanesan labarik hahú iha ona nutrisaun ne’ebé di’ak no labarik barak mak asesu ba eskola sedu.

Tuir Valerie, ho progresu ida ne’e bele dezenvolve labarik sira nia kakutak, di’ak liu ba sira-nia futuru.

“Ha’u enkontru ikus ho Primeiru Ministru (PM) hanesan despedida ida, ha’u apresia kolaborasaun entre Governu Timor-Leste ho UNICEF ne’ebé mak hala’o durante ha’u nia mandatu tinan tolu nia-laran iha Timor-Leste”, Reprezentante UNICEF iha Timor-Leste, Valerie Taton, iha Pálasiu Governu, Segunda (09/11/2020).

Valerie hatutan, durante hala’o parseria entre UNICEF ho Governu Timor-Leste iha progresu barak ne’ebé atinje ona, maske sei iha dezafiu barak ne’ebé Timor-Leste sei hasoru.

“Progresu ne’ebé mak durante ne’e ita haree kona-bá má nutrisaun iha Timor-Leste, ida ne’e iha progresu ne’ebé diak no UNICEF fó nia kontribuisaun boot ba Ministériu Saúde (MS) hala’o peskiza kona-bá má nutrisaun iha Timor-Leste. Bele haree katak labarik barak mak agora bele ba fali eskola, tanba la sofre ona má nutrisaun maibé, Timor-Leste kontinua hasoru dezafiu barak ba dalauluk presiza investe iha labarik ki’ik-oan, bainhira labarik ne’e moris mai. Bainhira bebé ne’e sei iha inan nia isin tenke konsumu hahan ne’ebé iha nutrisaun to’o labarik ne’e moris presiza promosaun susubeen inan nian durante fulan nen (6), bainhira labarik ne’e boot ona tenke garante katak labarik ne’e bele asesu ba edukasaun. Progresu drástiku ne’ebé mak Governu Timor-Leste atinji hanesan labarik hahú iha ona nutrisaun ne’ebé di’ak no labarik barak mak asesu ba eskola sedu, ida ne’e bele dezenvolve labarik sira-nia kakutak diak liu ba sira-nia futuru”, informa Reprezentante UNICEF iha Timor-Leste ne’e.

Valerie subliña liu tan, ida ne’e mak hanesan komprimísu boot UNICEF nian atu bele fó apoiu ba Governu Timor-Leste no mós iha área ida oinsa mak bele introdus teknolójia iha área edukasaun.

“Ita haree katak, ita-nia komunidade sira komprende no hatene oinsa atu halo komunikasaun ho oan sira atu bele iha prátika, ne’ebé mak di’ak ba labarik sira-nia moris, prátika fase-liman di’ak ba labarik sira nia saúde. Tuir loloos labarik ne’ebé ho idade ki’ik presiza foku ba eskola la’ós atu fa’an sasan, tanba ne’e UNICEF kontinua buka hatene, tanba saída labarik ki’ik-oan hirak ne’e fa’an sasan, maibé la ba eskola”, realsa Reprezentante UNICEF iha Timor-Leste ne’e.

Nia hatutan liu tan, ho ida ne’e UNICEF halo ona estudu ida atu buka hatene fenomena kona-bá labarik sira fa’an sasan no la ba eskola, maske iha ona lejislasaun ba labarik sira kona-bá eskola gratuita.

“Durante ne’e UNICEF fó apoiu ba ministériu relevante sira hanesan Ministériu Edukasaun, Saúde, MSSI, MJ no MOP, oinsa mak bele haree kona-bá lejislasaun labarik sira-nian, UNICEF mós haree kona-bá asisténsia ba labarik la’o loloos ona ka seidauk”, hateten Valerie.Cin

Lee hotu :   Opinião pública aponta críticas ao Governo por falta de regulação do serviço médico

Add to Comments Here!!!!

error: Content is protected.
Secured By miniOrange
You might also like:
Atribui kupon sesta bázika iha Díli, MTCI sei servisu ho TIC Timor.IP

Vise Ministru Turismo Comércio e Indústria...

Durante pandemia COVID-19, KBP hasoru problema finanseira

Jerente Klínika Bairo Pite (KBP), Inácio...

Atribuisaun Sesta Bázika, PN krítika Governu fahe batar ba ferik katuas

Deputada bankada CNRT, Maria Fernanda Lay,...

Close