GMN TV Saude e Educação Xanana ba check up nia saúde iha Jakarta

Xanana ba check up nia saúde iha Jakarta

Eis Prezidente Repúblika (PR), Kay Rala Xanana Gusmão, Kuarta (18/11/2020), ba Jakarta-Indonézia ho aviaun Jet Privadu, hodi ba hala’o tratamentu ba nia saúde (check up).

Xanana check up ba nia saúde iha Jakarta ne’e hanesan rutinidade ne’ebé tinan hirak liu ba mós nia halo hela ona, hodi hatene ninia kondisaun saúde.

“Maun boot ba check up ba nia saúde iha Jakarta no sei fila mai Timor-Leste iha semana oin. Maun boot Xanana rasik sente di’ak hela, maibé ne’e hanesan check up ida de’it”, informa fonte ida ne’ebé lakohi publika nia identidade ba GMN, hafoin akompaña Xanana ba Aeroportu Nicolau Lobato, Comoro, Díli.

Iha Kay Rala Xanana Gusmão nia vizita ba Indonézia ne’e, nia la fó komentáriu ba jornalista sira kona-bá nia destinasaun iha ne’ebá.

Nune’e mós líder karismátiku ne’e fó kongratulasaun ba Prezidente Estadu Unidu Amérika (EUA) eleitu, Joe Biden ne’ebé hetan votu barak liu kompara ho Prezidente sesante Donald Trump iha eleisaun prezidensiál semana hirak liu ba.

“Ha’u hato’o kongratulasaun ba saída mak ita boot hetan iha eleisaun ne’ebé susesu hodi sai prezidente ba EUA”, dehan Xanana iha karta ne’ebé hakerek ho lian Ingles.

Xanana Gusmão mos haktuir, eleisaun prezidensiál iha EUA ne’e sei lori esperansa ba povu EUA no ba mundu tomak.

Xanana mós afirma, Joe Biden nia Vise Kamal Harris husi jerasaun ne’ebé kór kulit la hanesan, marka mós istória ba povu no nasaun Amérika no sempre iha konfiansa katak dame buras liu tan iha mundu. GMN


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker