JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Japaun apoia orsamentu rihun USD 9 ba Hadesta

Japaun apoia orsamentu rihun USD 9 ba Hadesta

Embaixadór  Japaun iha Timor-Leste apoia orsamentu rihun USD 9 resin ba ONG Hadesta.

Embaixadór  Japaun iha Timor-Leste asina akordu ho ONG Hadesta hodi fasilita finanseiru atu halo konstrusaun Klinika Publika ida iha suku Souro Postu-Administrativu Lospalos  Munisípiu Lautem. Tuir akordu ne’e Durasaun tempu ba projetu kostrusaun Klinika ne’e fulan 6.

Diretor ONG Hadesta Francisco de  Araujo informa hahú husi tinan 2017 to’o 2019 ONG Hadesta hetan fiar husi Embaixadór  Japaun iha Timor-Leste hodi hala’o  projetu konstrusaun iha Munisipiu sira no sei iha kontinuasaun.

“Ami hakarak hato’o katak Hadesta hetan ona projetu 5 husi povu Japaun liu husi programa Jipe husi tinan 2017 to’o 2019 no agora asina tan akordu ida ho Embaixadór Japaun iha Timor-Leste atu halo tan Klinika Saude ida iha Lospalos Vila ho orsamentu rihun sia neduni konstrusaun ne’e sei halo durante fulan 6 tuir akordu ne’ebe iha maibe ami sei esforsu makaas nune iha fulan 4 nia laran bele finalize ona obra ne’e,” hateten Francisco de  Araujo ba GMN iha Embaixada Japaun Praia Coceiros Dili Segunda (21/12/20).

Diretor  ne’e mos informa hahu husi tinan 2017 to’o 2019 ONG halo ona konstrusaun centru saude 4 iha Dili no Munisipiu sira.

“Iha tinan 2017 ONG halo konstrusaun klinika saude iha suku waibubu postu Administrativu Ossu Munisipiu Viqueque depois  iha tinan 2018 ho tinan 2019 halo mos konstrusaun centro saude rua ida iha suku Lagoano ida seluk delesu Munisipiu Ermera inklui halo postu saude ho nia rezidensia iha Postu Administrativu Metinaro Munisipiu Dili ne’ebe ninia orsamentu mai husi povu Japaun ,”hateten Francisco.

Embaixadór Japaun iha Timor-Leste Kinefuchi Masami hateten Governu Japaun kontinua nafatin  apoia Timor-Leste iha área oi-oin.

Lee hotu :   PN husu sidadaun kontinua kumpre regra OMS

“Durante ne’e hau nia governu apoiu ona orsamentu ba NGO hadesta atu konstroi centro Saude sira ne’ebe iha suku balun seidauk iha no ami sei kontinua nafatin atu apoiu Governu Timor-Leste hodi halo dezenvolvimentu ba povu timor-leste,”katak Kinefuchi.

Durante ne’e Governu Japaun implementa ona projetu 122 iha teritoriu timor laran tomak iha área oi-oin.

Partisipa iha seremonia asina akordu ne’e husi Ministra Saúde, Odete Maria Belo, Diretor nasional no entidade sira seluk.aba

         

Add to Comments Here!!!!

error: Content is protected.
Secured By miniOrange
You might also like:
Kompañia RM2 sai vítima ba aktu ANC

Kompañia RM2 sai vítima ba aktu...

Fretilin konsidera rumores OJE 2020 la mai hanesan Lelucon

Deputadu  bankada Fretilin, Francisco Miranda Branco...

Timor-oan rua pozitivu COVID-19

Ministra Saúde, Odete Maria Freitas Belo,...

Close