JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo: Kondisaun eskola la di’ak, la kontribui ba kualidade edukasaun

PR Lú Olo: Kondisaun eskola la di’ak, la kontribui ba kualidade edukasaun

Relasiona ho estudante sira iha Eskola Sekundária Jerál (ESJ) númeru 01 Baucau ne’ebé hasoru problema boot kona-bá kondisaun sala de aula ne’ebé la sufisiente, Prezidente Repúblika (PR), Francisco Guterres “Lú Olo”, hateten, prosesu edukasaun de’it la garante kualidade, maibé presiza kondisaun eskola ne’ebé di’ak, nune’e bele garante kualidade edukasaun iha Timor-Leste.

“Ha’u hakarak hato’o ba ita boot sira hotu katak Timor-Leste liu husi dalan naruk tebes para atu lori prosesu ida ne’e to’o mai ita ukun-rasik-an, oan sira ne’ebé barak iha ne’e imi seidauk moris, maibé jerasaun inan-aman sira-nia avó sira liu husi dalan ida terus nian no mate nian mak ohin loron ita ukun-rasik-an, pontu prinsipál inan-aman no avó sira-nia tempu uluk mak defende povu Timor to’o mate. Tanba ne’e tenke matenek atu kaer tutan ukun-rasik-an ne’e ba oin”, Xefe Estadu ne’e bainhira hala’o vizita traballu ba munisípiu Baucau, Kuarta (16/12/2020).

Nia salienta, nafatin hela saída mak Governu ida ne’e kaer no saída mak órgaun Estadu kaer atu aposta nafatin kona-bá oan sira-nia edukasaun, tanba oan sira-nia edukasaun di’ak mak bele liberta oan sira ba abanbainrua, tanba oan sira-nia edukasaun Estadu no rai ne’e bele buras liu tan, bele di’ak liu tan iha futuru.

“Sé ita la matenek, ita labele halo buat ida, tanba ne’e duni imi eskola, imi aprende husi imi-nia profesór sira ne’ebé transmite valores no siénsia ba imi atu hatene di’ak liu tán, edukasaun de’it mós la to’o, maibé presiza kondisaun eskola no presiza fatin, kadeira no aula, nune’e estudante sira tur ho avontade aprende no simu lisaun. Foin Diretór dehan estudante 55 to’o 60 iha sala ida, nia hanoin ida ne’e ladún di’ak, nia hatete kedas kondisaun ladún di’ak, entaun oinsa mak Estadu kria kondisaun ne’ebé di’ak para labarik sira tur iha sala, nune’e avontade aprende di’ak liu tán”, tenik Lú Olo.

Iha fatin hanesan, Diretór ESJ 01 Baucau, Paul Dias Menezes, kontente, tanba tanba PR Lú Olo ho espoza bele to’o iha eskola ida ne’e.

“Ohin PR mai haree diretamente ami-nia fatin, iha ne’e ami-nia edifísiu ne’ebé agora dau-daun iha hamutuk 13, maibé barak mak estragu ona, entaun la sufisiente hodi akumula estudante sira, tanba estudante agora ne’e hamutuk 1838”, dehan Diretór eskola ne’e.

Nia realsa, husi tinan ba tinan númeru estudante iha eskola refere kontinua barak, tanba eskola ida ne’e iha sentru, entaun kada tinan estudante liu 1700, maibé iha 2020 ne’e estudante sira iha 1838.

“Sala la sufisiente, entaun eskola hola inisiativa no fó informasaun ba ninia diretiva, ami loke, tanba klase paralelu iha EBC Aubaca ne’ebé oras ne’e akumula estudante hamutuk 150”, subliña Paul. oly

Lee hotu :   PM Taur: COVID-19 kontinua sai inimigu TL nian

Add to Comments Here!!!!

error: Content is protected.
Secured By miniOrange
You might also like:
Governu identifika ona bairu foun ba komunidade kapitál Díli

Governu liu husi Ministériu Obras Públika...

Xanana simu dokumentu istóriku husi família Lekihare no António Guterres

Eis Komandante em Xefe FALINTIL, Kay...

AIFAESA taka atividade negósiu tua sabu iha Balide

Autoridade Inspesaun no Fiskalizasaun Atividade Ekonómika...

Close