JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sidadaun estranjeiru pozitivu COVID-19 rekuperadu

Sidadaun estranjeiru pozitivu COVID-19 rekuperadu

Koordenadór Pilar Hitu COVID-19, Nilton do Carmo da Silva, hateten, sidadaun estranjeiru ne’ebé tama iha sala izolamentu Vera Cruz iha loron 2, fulan Dezembru, tinan 2020, ne’e rekuperadu, tanba rezultadu teste hatudu negativu.

“Atu informa ba públiku katak, sidadaun ne’e hala’o teste Swab ne’ebé halo iha loron 9, fulan Dezembru, tinan 2020, rezultadu negativu, Swab ba daruak dia 12 de Dezembro, rezultadu pozitivu, maibé iha loron 16 no 17 de Dezembro, teste ba datoluk no dahaat hatudu rezultadu negativu”, Koordenadór Pilar Hitu COVID-19 hato’o informasaun ne’e liu husi konferénsia imprensa iha salaun Sentru Média Caicoli, Díli, Sesta (18-12-2020).

Nilton akresenta, sidadaun mane ne’e ho idade 35, nia halo viajen husi Uganda mai iha Dubai iha loron 16, fulan Novembru, to’o Malaysia iha loron 17 no iha loron 18, fulan Novembru halo viajen husi Malaysia mai Díli. Ekipa COVID-19 detekta sidadaun refere konfirmadu pozitivu iha loron 1, fulan Dezembru no hahú baixa iha Sentru Izolamentu Vera Cruz iha loron 2, fulan Dezembru, tinan 2020.

Koordenadór Pilar Hitu COVID-19 ne’e informa, dau-daun ne’e Ministériu Saúde (MS) entrega ona sidadaun refere ba ninia hela fatin.

“Tanba ne’e mak hakarak deklara ba públiku katak, pasiente refere sei alta iha loron ohin, hodi bele inkorpora ba iha família, maibe nafatin tenke kumpre prosesu auto kuarentena ba loron 14 no mós medida preventiva sira seluk no sei hetan kontrolu regulár husi autoridade vijilánsia epidemiolójika OMS nian”, tenik nia.

Relasiona ho selebrasaun Natal no Tinan Foun ne’e, Nilton apela ba komunidade atu kumpre nafatin medida sanitária, hodi prevene COVID-19.

“Aproveita mós biban ida ne’e atu informa ba públiku no komunidade tomak relasiona ho selebrasaun loron boot Natal 2020 no Tinan Foun 2021, husu nafatin atu bele kumpre medida sanitária ba situasaun ida ne’ebé mak agora mundu enfrenta hela dau-dauk, hodi bele kontrola COVID-19”, realsa Nilton.

Tuir dadus husi MS hahú husi loron 17, fulan ne’e, totál númeru teste hamutuk 15.573, hein rezultadu 363, totál kumulativu 31, kazu foun laiha, rezultadu negativu 15.179, tama ilegál 50. Totál kuarentena 267, auto kuarentena 165 no sira ne’ebé pasa kuarentena durante loron 14 hamutuk 6.784. eni

Lee hotu :   Lakon direitu toba-fatin sai viral iha MedSos, Governu konsidera informasaun husi família pasiente falsu

Add to Comments Here!!!!

error: Content is protected.
Secured By miniOrange
You might also like:
KPIM sei inaugura monumentu saudozu Tae Siri iha Bobonaro

Komité Preparatóriu Inaugurasaun Monumentu (KPIM) sei...

Alkatiri: Ha’u la dehan konkorda millaun USD 14 ba empreza Atlantic Eagle

Eis Prezidente Autoridade Rejiaun Administrativa Espesiál...

Xanana husu estrutura CNRT prepara-an ho onestu ba futuru

Prezidente partidu CNRT, Kay Rala Xanana...

Close