Teste ba pesoál halai sai husi kuarentena ho nia família hatudu negativu

Koordenadora Jerál Covid-19,  Odete da Silva Viegas, hateten,  sidadaun ida ne’ebé halai sai husi kuarentena (24-12-2020),  hamutuk ho nia família sira,  submete ona ba teste,  maibé nia rezultadu hatudu negativu.

“ Dala ida tan apela ba komunidade felismente ema ne’ebé maka halai sai hsui hotel ba ho familia ema ne’e ita kaptura ba tau hotu kedas iha hotel e familia mos ita ba tau hotu iha hotel no ema sira ne’e halo ona teste ba sira rezultadu negativu hotu”  hatete Odete Viegas liu husi konferensia Imprensa iha Salaun Palasiu da Cinzas Segunda (28-12-2020)

Alénde ne’e Odete mós elojia,  liña frente sira ne’ebé dedika-an másimu, ba servisu tomak maski dalabalun,  ema la valoriza sira nian servisu.

“ Aprovaita mos oportunidade ida nee hau hakarak kongratula front line maski front line sira nia servisu ita ladun valoriza maibe to’o iha momentu kritikus MS hamutuk ho front line husi ministeriu hot hotu maka halao servisu todan ne’e, lolos ita atu presiza valoriza maka servisu sira nee uluk do que ita presiza servisu seluk

Odete haktuir,  sidadaun ne’e halai sai husi hotel,  no konsege kaptura fali,  hamutuk ho nia família ne’ebé nia halo kontakta,  no dadaun ne’e,  ministeriu saúde hala’o teste ba sira,  no nia rezultadu hatudu negativu

Odete informa sidadaun ne’ebé,  akompaiña nia aman nia isin mate,  husi malázia liu husi indonézia, to’o iha aeroportu Comoro,  (15-12-2020) hodi ba liu uma,  sei hein hela rezultadu teste husi laboratóriu.

MS la politiza

Koordenadora Jerál Covid-19, Odete da Silva Viegas, husu ba ema hotu-hotu atu labele lansa informasaun falsa  hodi dezvaloriza servisu profisionál saúde sira nian, hodi kombate Covid-19,  iha Timor-Leste (TL).

“Biban ida-ne’e atu hato’o mós ba públiku katak to’o oras ne’e dadaun, Ministériu Saúde laiha intensaun atu politíza númeru kazu Covid-19 iha ita-nia rai. Tan ne’e, husu ba ita hotu-hotu atu labele lansa informasaun falsu ba públiku hodi desvaloriza professionál saúde sira nian ba kombate Covid-19,” Odete Viégas hato’o deklarasaun ne’e,  iha salaun Sentru Media Caicoli-Díli,  relasiona ho deklarasaun balun,  ne’ebé hateten katak,  Ministériu Saúde politiza númeru kazu Covid-19.

Odete hateten,  númeru kazu Covid-19,  iha rai ne’e faktu duni, tanba ne’e husu ba komunidade,  no entidade hotu,  kontribui no tau fiar nafatin knaar Ministériu Saúde nian,  hodi bele hakotu lalais moras corona virus 19,  iha  nasaun ida ne’e.

“Relasiona ho númeru kazu ne’ebé Timor-Leste kontinua rejista, husu ba públiku tomak atu labele pániku maibé maintein nafatin iha medida preventiva tuir protoklolu ministériu saúde no organizasaun mundiál saúde fó sai ona. Husu atu akompaña nafatin atualizasaun dadus no informasaun sira kona-ba covid-19 iha pájina Palácio das Cinzas” tenik Odete.

Odete mós husu ba Komunidade, atu kontinua kumpri protokolu prevensaun COVID-19 nian,  ne’ebé fó sai husi Ministériu Saúde,  no Organizasaun Mundial Saúde,  hanesan kontinua hakmatek no labele sai husi uma,  wainhira laiha presiza urjente,  tenki fase liman beibeik ho sabaun,  ou uza dezinfetante,  uza máskra, labele halibur ema barak.

“Ita atu informa deit katak, liu hosi meius hirak ne’e hotu,  mak bele proteje populasaun vulnerável sira mak hanesan, Ferik no Katuas, ema ho moras krónika sira hosi korona virus,” esplika.eni