GMN TV Saude e Educação Atu deteta transmisaun lokál, MS sei hala’o Mass Screening iha fatin públiku

Atu deteta transmisaun lokál, MS sei hala’o Mass Screening iha fatin públiku

Koordenadora Jerál Komisaun Nasionál Corona Virus Disease 2019 (COVID-19), Odete da Silva Viegas, hateten, atu deteta transmisaun lokál iha rai-laran, iha tempu badak nia laran Ministériu Saúde (MS) sei hala'o mass screening iha fatin balun  ne’ebé sei determina husi ekipa.

“Hakarak mós hato’o informasaun ba públiku katak, Governu, Parlamentu Nasionál (PM) atraves de MS iha tempu badak sei hala’o mós mass screening ba públiku, mass screening ne’e sei identifika fatin ida ne’ebé mak iha ema barak ou agrupasaun de ema i fatin ida ne’ebé mak sei hala’o screening ida ne’e iha tempu badak ekipa sei fó sai”, Koordenadora Jerál Komisaun Nasionál COVID-19 hato’o informasaun ne’e liu husi konferénsia imprensa iha salaun enkontru Palaçio das Cínzas, Caicoli-Dili, Sábadu (16/01/2021).

Tuir Odete, mass screening ne’e sei hahú husi Díli no mós munisípiu, inklui área fronteira no mós Rejiaun Administrativa Espesiál Oe-Cusse Ambeno (RAEOA), tanba iha sidadaun balun kontinua tama-sai ilegál liu husi fronteira, nune’e bele lori COVID-19 tama mai rai-laran.

“Objetivu saída mak atu hala’o mass screening hahú kedas iha Díli ba to’o munisípiu, razaun primeiru mak atu detekta sedu transmisaun lokál ne’e, ita boot sira mós hatene munisípiu hotu-hotu ita hala’o hela, inklui kapitál ita halao hela sentinel surveillance, maibé razaun seluk mós katak ita hahú iha ona sidadaun ne’ebé tama ilegál ema na’in 4 ona mak hetan pozitivu ba COVID-19, na’in 2 tama iha Mota-Ain, na’in 2 iha Oe-Cusse, razaun sira ne’e mak MS hanoin ona katak, tenke iha medida ida ne’ebé mak ativu liu, nune’e ita halo screening ba ita-nia komunidade”, tenik Koordenadora Jerál Komisaun Nasionál COVID-19 ne’e.

Nia husu mós ba sidadaun sira ne’ebé hela iha liña fronteira atu nafatin koopera ho autoridade lokál bainhira identifika ema ruma tama ilegál, tenke koordena kedas ho entidade relevante sira, nune’e ekipa husi MS bele submete kedas ba iha kuarentena.

 “Ita mós haree kazu agora komesa aumenta maka’as iha ita-nia paíz viziñu hanesan moras grave to’o mate, ida ne’e ita hotu-hotu tenke ona alerta, ida-idak kuidadu ninia-an, nia família no mós ninia viziñu sira no nafatin aplika medida preventiva ne’ebé ita hotu-hotu hatene”, relata Odete.

Kona-bá rezultadu teste amostra ba kazál ida ho médiku ida ne’ebé identifikadu pozitivu COVID-19 no sai virál iha rede sosiál, Koordenadora Jerál Komisaun Nasionál COVID-19 ne’e, hateten, sei halo investigasaun,  hodi buka hatene motivu no razaun saída no sé mak fó sai rezultadu ne’e ba públiku.

“Horiseik (15/01) ami hala’o ona enkontru ho koordenadór pilar sira, atu buka mekanizmu ida ne’ebé di’ak, nune’e bele rai duni segredu ba sidadaun sira ne’ebé pozitivu COVID-19”, nia hatutan. eni


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker