Kazu pozitivu COVID-19 iha TL sa’e ona ba ema na’in 15

Ministériu Saúde (MS) rejista tan kazu COVID-19 mane na’in rua ne’ebé ho idade tinan 24 no ida seluk tinan 34 neébé halo kuarentena iha Otél Vila Verde. Tanba ne’e,  Timor-Leste (TL) nia  kazu pozitivu COVID-19 hamutuk na’in 15 ona, ne’ebé baixa  iha sala izolamentu Vera-Cruz,  Díli.

Koordenadór  pilár VII  Covid-19,   Nilton do Carmo da Silva, hatete,  pasajeiru ho idade  24   pozitivu covid-19,  mai  husi Portugal,  iha loron  20  fulan Dezembru  ho TAP Airlines no tránzita iha Madrid,  no iha loron hanesan sai husi Madrid ba Doha ho Qatar Airlines no tránzitu iha Doha, iha loron 21,  fulan  Dezembru,  viajen husi Doha ba Malázia no toba kalan ida iha Otél  Sama-Sama Aeroportu Kuala-lumpur.   No iha loron 22  fulan Dezembru,  husi Kuala-lumpur Malázia mai Díli ho AirAsia.

Alende  ne’e,  pasajeru  ho idade 34,  husi  Londres iha loron 20  fulan dezembru ho Qatar airlines  tránzitu iha doha,   Iha loron 21  fulan dezembru,  viajem  husi  Doha tránzitu iha malazia,  no iha loron 22  fulan dezembru husi malazia  mai Díli  ho  AirAsia.

“Ami hakarak  hato’o atualizasaun konaba situasuan Covid-19 iha ita nia rai laran iha oras 24  ikus ne’e iha kazu konfirmadu foun ne’ebé ita regista iha oras 24 nia laran ba ema nain 2  nune’e ita nia kazu kumulativu hahu hosi fulan marsu to’o agora hamutuk ona 46,  baixa hamutuk nain 15 numeru ne’ebé  ita hein konfirmadu ba iha rezultadu sawab teste ba iha covid-19 hamutuk 482 ba kazu foun nain rua ita deteta horseik, ”Nilton fó sai  rezultadu  ne’e liu  hosi konferensia ba imprensa,  iha salaun  Palásiu  Sizas  MS,  Domingu (3-1-2021).

Ministériu  Saúde (MS) deteta pasajeiru iha loron rua fulan janeiru,  bainhira  atu kumpri  loron 10 iha kaurantena  no pasajeiru   mane nain rua ne’ebé   pozitivu  covid-19  sira la iha keixa  ruma,  maibé  asintomátiku.

“Grupu  sira  ne’e ita tau hotu ba iha auto kuarantena naton ita fo sai maibé ita kansela tanba ita hotu hatene katak iha maluk ida mak positivu bainhira iha malazia enatun grupo ne’eb’e mak auto kuarantena ita kanela no kuarantena obrigatóriu tuir fatin ne’ebé  MS prepara,”dehan Nilton.

Iha loron  22   fulan dezembru aviaun Air Asia tuun iha Díli ho passajeiru hamutuk  nain 100,  husi  númeru ne’e nain  14 kolokadu ba kuarantena otel Vila-Verde,  no  nain  78 hela   iha kuarantena   Otél Regal Apartament,  Otél Time Square,  ótel fortuna  no Otél Carla Mension.

Pasajeiru sira nia sawab foti iha loron 30  fulan dezembru tinan 2020  no nia rezultadu relata iha loron 2  fulan  janeiro tinan 2021  no  Statusm hosi  parsajeiru sira ne’e hotu kategoria close kontak, tamba iha ona istória kontaktu ho nain ida  pozitivu detetadu iha malazia ne’ebé  la konsege mai Timor-Leste.

Komunidade tenke kumpri regra

Koordenadór pilar VII Covid-19,  Nilton do Carmo da silva  apelo ba  Komunidade   tenki   kumpri nafatin  regra   hosi  Minstériu  saúde,   hodi prevene  Covid-19, regra  sira  atu  prevene  Covid-19  mak  hanesan,   distansia sosial ,  uza maskra,  fase  liman  beibeik  ho sabaun.

“Nafatin hodi MS nia naran no ekipa Covid-19 hakarak hata’o nafatin mensajen ba populasaun hotu ita sei iha EE ita presija atu kumpri nafatin regras ne’ebé MS fo sai atu prevene moras Covid-19 , tanba  ita  hotu  hatene saúde iha ita ida idak nia liman rasik diak liu ita prevene , antes  ita halo tratamentu,” Koordenadór  pilár VII  Covid-19,   Nilton do Carmo da silva  hato’o apreli ne’e liu hosi konferensia ba imprensa baihira fo sai rezultadu kazu pozitivu covid-19 nain 2 ,iha salaun MS Caicoli, Domingu (3-1-2021).

Iha loron 30 fulan dezembru ,  governu  liu hosi reuniaun Konsellu Ministru (KM),  aprova medidas ezekusaun,  renova estadu emerjénsia  (EE) ne’e, hosi dekretu Prezidente Repúblika,  númeru  73/2020   atu  hatán  ba  pandémia covid-19

Dekretu  Governu  refere,  obriga ema  hotu ne’ebé la sujeita ba rejimi izolamentu obrigatóriu  tenke mantein distánsiamentu sosiál,  bandu halo soru mutuk ka halo manifestasaun,  bandu mós realiza kualker eventu ho karákter relijiozu  no bandu halibur ema liu nain 10 ba leten.ety