JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS adia data mass screening

MS adia data mass screening

Koordenadora Jerál Komisaun Nasionál COVID-19, Odete da Silva Viegas, informa, maske Ministériu Saúde (MS) antes ne’e fó sai ona katak, iha semana ne’e sei halo Mass Screening iha Díli no semana tuir mai iha fronteira, maibé Mass Screening seidauk bele realiza, tanba ekipa sei konsentra hela ba planu vasinasaun.

Mass Screening ne’ebé ministériu planeia atu halo neste momento ami sei mospon hela, tanba ita boot sira mós haree katak, ami mós hala’o hela servisu ida no preparasaun ba iha vasina nian, tanba rekursu sira ne’ebé ita uza hanesan ami mak nafatin hala’o servisu ida ne’e, tanba ida ne’e mak screening ne’e ami seidauk bele realiza fali, maibé iha tempu oin mak ita boot sira bele hatene fali screening ne’e ami bele realiza”, Koordenadora Jerál Komisaun Nasionál COVID-19 hato’o informasaun ne’e liu hosi konferénsia imprensa iha salaun Palaçio das Cínzas, Caicoli-Díli, Sábadu (23-01-2021).

MS apela ba públiku no entidade hotu atu nafatin halo vijilánsia másimu ba ida-idak nia-an, família no viziñu sira, hodi aplika medida preventiva hanesan uza máskara, fase-liman bei-beik no distansiamentu sosiál.

“Ho biban ida ne’e ha’u hakarak hateten, úniku xave mak medida preventiva, ita hotu-hotu tenke kumpre, ami lakole atu apelu ba ita-boot sira hotu, ida ne’e ami-nia kna’ar atu hato’o ba ita-boot sira, tantu líder ka povu bai-bain mai ita hotu hamutuk ho medida ida ne’e mak prevene transmisaun COVID-19 iha komunidade”, realsa Odete.

Iha biban ne’e nia husu mós ba komunidade hotu nia konsiénsia atu labele lori risku mai povu no rai doben ida ne’e, favór koopera ho autoridade seguransa sira iha fronteira.

“Movimentu ilegál kontinua iha nafatin, ami husu komunidade hotu nia konsiénsia atu labele lori risku mai ita-nia povu no ita-nia rai doben ida ne’e, favór koopera ho autoridade seguransa sira iha fronteira no tama tuir dalan legal, atu nune’e ami bele submete ba kuarentena”, relata Koordenadora Jerál Komisaun Nasionál COVID-19 ne’e.

Entretantu Komisaun Nasionál COVID-19 hato’o ona karta ba líder partidu polítiku sira hotu atu tulun Governu, liu husi sira-nia mensájen ba komunidade, hodi kombate COVID-19 iha Timor-Leste. eni

Lee hotu :   Aktu Soe bebé kontinua aumenta, MS husu PNTL buka tuir autór

Add to Comments Here!!!!

error: Content is protected.
Secured By miniOrange
You might also like:
Igreja uza thermo scanner sukat sarani sira-nia temperatura

Igreja Katólika iha Domingu (24/01/21) hahú...

CNRT: Xanana hatán iha TDD hasoru Alkatiri

Vise Prezidente Conselho Política Nacional partidu...

Vasina COVID-19 tenke prioridade ba fronteira

Prezidente Autoridade Rejiaun Administrativa Espesiál Oe-Cusse...

Close