MS rekoñese iha lapsu evakua pasiente COVID-19 husi Tasi-Tolu

Ministeriu Saude Rekoñese akontese lapsu iha prosesu evakuasaun ba pasiente pozitivu COVID-19 iha kuarentena Tasi Tolu tanba pasiente iha naran ho apelidu hanesan.

Pasiente primeiru ho naran João Baptista, tinan 26, no pasiente ida selu ho naran João Marçal Baptista, tinan 31, Pasiente ida ne´ebé hetan infesaun ba Covid-19 mak João Bapsitsta, tinan 26, Maibé ministériu saúde foti fali João Marçal Baptista, ho tinan 31, ne´ebé la hetan infensaun.

“Ministeriu rekoñese akontese lapsu ida ne’e maibé agora ministeriu haruka ona Gabinete inspesaun no auditoria halo hela investigasaun hodi hatene sala loloos ne’e iha ne’ebe, sera que iha konfrontasaun, administrasaun ou iha seluk,” dehan Ministra Saúde, Odete Maria Freitas Belo liu husi Konferensia ba Imprensa iha Palacio das Cinzas, Sábadu (02-01-2021).

Odete esplika, antes ne’e wainhira ekipa husi pessoal saude nian ba fatin kuarentena hodi foti paseinte maibé akontese konfrontasuan entre sidadaun ho pessoal saude nian inklui Polisia Nasional Timor-Leste ne’eb’e fo seguransa ba Kuarentena Tasi Tolu.

Gabinete inspesaun no auditoria halo hela investigasaun ba lapsu ida nee no rezultadu sei submente ba ministériu saúde iha Domingo, loron 03 fulan Janeiro tinan 2021.

Enkuantu psiente nain rua João Bapstista no João Marçal Baptista, oras nee dadaun iha hela sala izolamentu Verra Cruz.

Sidadaun 130 resin iha Kuarentena Tasitolu lakoi kopera ho Pesoal Ministeriu Saude nian hodi halo teste massal ba COVID-19 maske antes ne’e indetifika ona sidadaun ida iha Kuarentena Positivu ba virus refere.

Maibé liu husi negosiasaun ne’ebé naruk Pessoal Saude konsege rekolla amostra liu husi SWAB no PCR iha loron 1 fulan Janeiru tinan ne’e ba sidadaun nain 5 ho sintoma COVID-19 iha Kuarentena Tasi-tolu

“Iha kalan ne’e kedas asaun ne’ebé mai foti mak preparadu atu halo teste ba sira 130 pessoal inklui sira 5 pessoas ne’ebé desenvolve COVID-19 nian maibé estudante no traballadr sira rezeita hodi simu asuan ne’ebé MS prepara ona,” esplika Nia.

Ministra ne’e mos esplika wainhira sidadaun hirak ne’e kontinua lakoi kopera Ministeriu Saude sei evakua sidadaun hirak ne’e ba Otel sira hodi kontinua halo kuarentena maibé família mak responsabilza hodi selu fasilidade hirak ne’e.

Tuir Ministeriu Saude Rezultadu Teste SWAB no PCR ba identifka COVID-19 sei fo sai iha loron 4 fulan Janeiru tinan ne’e, enkuantu sidadaun sira ne’e sei kontinua kumpri prosesu kuarentena  too loron 28 fulan Janeiru tinan ne’e. Ida

Leave a Reply

Your email address will not be published. Required fields are marked *