Na’an Manu ular-iis, jerente konsidera boatus

Na’an Manu ular no i’is, ne’ebé espalla iha rede soaial, Jestór Family First Supermerkadu konsidera informasaun falsa.

Relasiona ho informasaun ne’ebé sai víral iha rede sosial katak na’an manu ne’ebé loja family first superkadu distribui ba komunidade sira iha suku Bairo-Pite ular no i’is, jestór konsidera informasaun ne’e boatus.

“Informasaun ne’ebé sai iha media sosial informasaun ne’e bosok, buat sira ne’ebé sira hasai iha media sosial tanba ema balun la gosta programa Governu nian, mak sai hanesan ne’e informnasaun ne’e boatus tanba, ohin ema barak iha ne’e komunidade sira iha antes”, dehan, Jestór Family First Supermerkadu, Júlio Freitas, ba GMN iha Bairo-Pite, Tersa (05/01).

Liga ho asuntu ne’e, xefe suku Bairo-Pite, João Batista hateten, nia parte husu ba komunidade sira atu labele foti sasan ne’ebé la ijine no sira mantein halo kordenasaun ho loja nain, atu situasaun hirak ne’e labele akontese.

“Sasan metan lalika simu karik imi hetan naan metan, eskolla fali seluk ida metan ne’e lori ba fó animal ou so’e, imi labele simu ida ne’e mak ami hateten”,infoma, xefe suku Bairo-Pite, João Batista.

Ho informasaun ne’ebé espalla iha média sosial, Komisaun Anti Korupsaun no AIFAESA tun direta hodi halo inspesaun maibé, la identifika sasan ruma a’at, dodok no i’is.

Maske nune’e, observasaun GMN iha terenu hatudu benefisiáriu no ekipa tekniku sira ne’ebé distribui sesta bázika la kumpri regra Estadu Emerjénsia obrigatóriu hanesan distansia sosial no fase liman ho bee no sabaun.

Alende iha loja refere, GMN mós observa benefisiáriu sira iha loja W-Four ne’ebé lokaliza iha Timor-Plaza no Leader Supermerkadu laiha distansia sosial, uza máskara, fase liman ho bee no sabaun.Ina