Pasiente COVID-19 la kumpri regra, MS prontu fó sansaun

Ministériu Saúde sei fó sansaun relasiona ho asaun ne’ebé halo husi pasiente COVID-19 ne’ebé halo video konaba fatin izolamentu liu husi media sosial sira no la kumpri regra prevensaun COVID-19 iha sala izolamentu no fatin kuarentena.

Koordenadora Jeral COVID-19, Odete da Silva Viegas, hatete, Ministériu Saúde esforsu ona hodi bele prevene ema hotu husi COVID-19 ne’e duni wainhira sidadaun ruma ne’ebé lakohi koopera ho Governu, maibé foti asaun ne’ebé la kontribui ba regra prevensaun nian sei hetan sansaun ruma.

“Ha’u sente la abandona, sira mak tenke kumpri, tanba profisional Saúde sira hatete ona saida mak sira tenke halo no profisional saude mos halo observasaun ba sira kada loron, tenke sukat manas, tensaun no klaru sukat tensaun hodi hatene kondisaun Saúde, hanesan pasiente tenke submete la’ós atu halo protestu,”dehan Odete da Silva Viegas liu husi konferensia ba imprensa iha Palácio das Cinzas, Segunda (04-01-2020).

Koordenadora Jeral COVID-19 ne’e mos esplika, dadaun ne’e Gabinete inspesaun no auditoria halo hela investigasaun ba lapsu ne’ebé antes ne’e akontese iha fatin kuarentena Tasi Tolu.

“Investigasuan ami hala’o hela, maibé hanoin katak lapso ba deit ami-nia maluk, maibe ba ema sira iha kuarentena no izolamentu ida ne’e mos tenke halo investigasaun, ami sei fó sansaun liu husi rekomenda ba autoridade máximu hodi implementa,” esplika Nia.

Odete mos hatete, pasiente hirak ne’ebé pozitivu bele tau hamutuk iha kuartu ida liu husi mantein distansiamentu, maibe pasiente sira rasik mak hakrak rabat malu hodi kontribui ba prosesu izolamentu ne’e naruk liu tan.

Governu liu husi Ministériu Saúde mos dadauk ne’e iha ona planu hodi halo aplika sistema vasinasaun COVID-19 iha Timor-Leste, maibé sei hein rekomendasaun husi Organizasaun Mundial Saúde kona-ba tipu vasinasaun nian. Ida

Leave a Reply

Your email address will not be published. Required fields are marked *