JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN sujere reativa eskola tenke kumpre regra OMS

PN sujere reativa eskola tenke kumpre regra OMS

Parlamentu Nasionál (PN) sujere, maske Ministériu Edukasaun anula ona desizaun suspende prosesu aprendizajen, maibé reativa hikas tenke kumpre regra Organizasaun Mundial Saúde (OMS) hodi prevene COVID-19, hanesan distánsia sosial uza máskara, fase liman ho sabaun.

“Hanesan ita hotu akompãna Ministru Edukasaun Ensinu Superiór  la taka dalan universidade atu hala’o ensinu aprendizajen, ita haree universidade sira liu-liu UNPAZ hala’o hela prosesu aprendizajen hanesan bai-bain. Ita haree MEJD iha loron rua ka tolu halo kanselamentu foti desizaun ho baze legál ne’ebé  iha, maibé depois horiseik hatete fali bele la’o bainhira eskola hirak ne’ebé preparadu hotu ona tenke tuir ordem OMS”, Prezidente Komisaun G PN, António Verdial ba jornalista sira iha PN, Kinta (07-01-2021).

Nia parte lakohi ultrapasa servisu ezekutivu nian hodi haklaken planu ne’ebé mak órgaun ezekutivu hala’o, tanba sira mak halo planu no ezekuta servisu iha terenu no sira mak hatene situasaun no kondisaun real liga ba eskola ensinu báziku no ensinu superiór iha teritóriu tomak.

Bainhira fatin ou eskola hirak ne’ebé seidauk preparadu labele hala’o prosesu aprendizajen.

“Eskola bele la’o, maibé nafatin responsabiliza, eskola sira tenke haree no halo tuir regra hosi OMS, maske eskola balun seidauk asesu ba bee moos, tanba ne’e MEJD nia taka loron tolu depois nia loke fali. Maibé iha nia despaixu hateten kedas eskola ne’ebé seidauk preparadu ne’e seidauk bele la’o no agora Ministériu Edukasuan kria ekipa ida konjuntu MEJD, Ministériu Saúde no autoridade sira ita hatene sira hala’o servisu iha terenu. Maske regra EE hateten labele halibur ema liu na’in 10, ita labele dehan labele eskola, kordenadór eskola sira tenke la’o tuir regra OMS, nune’e eskola bele la’o nafatin”, tenik António.

Antes ne’e, iha loron 4, fulan ne’e, MEJD hasa’i ona despaixu ida  hodi suspende prosesu aprendizajen eskola sira iha teritóriu Timor tomak.

Maibé, iha  loron 5, fulan ne’e, MEJD anula desizaun ne’e hodi kontinua prosesu aprendizajen tinan letivu 2021 no nafatin tuir protokolu Ministériu Saúde hanesan uza máskara, mantein distánsia sosiál no fíziku, fase liman ho sabaun no halo teste ba temperatura isin molok tama sala laran. ety

Lee hotu :   Relatóriu FONGTIL kona-bá PEDNSS sai ezemplar ba MS

Add to Comments Here!!!!

error: Content is protected.
Secured By miniOrange
You might also like:
Ministériu Públiku rejista prosesu 188 ne’ebé envolve Estadu

Prokuradór Jerál Repúblika (PJR), José da...

Lino Torrezão: Selesaun ba kandidatu Prezidente Autoridade Munisípiu Díli sei la’o

Vise Ministru Administrasaun Estatal (MAE), Lino...

PM Taur husu ba sidadaun sira atu kumpre regra EE

Primeiru Ministru (PM), Taur Matan Ruak,...

Close