GMN TV Saude e Educação Timor-oan ida pozitivu COVID-19 hafoin fila husi Atambua

Timor-oan ida pozitivu COVID-19 hafoin fila husi Atambua

Timor-oan ida ho idade 15 identifikadu pozitivu COVID-19, hafoin semana rua ba hela iha Atambua-Indonézia no fila mai Timor liu hosi fronteira Sakato, hamutuk ho nia kolega na’in hitu.

Alénde pasiente COVID-19 ne’e, inklui nia kolega naín hitu seluk, ekipa vijilánsia Ministériu Saúde (MS), dezignadu ona ba iha otél Oepun, Rejiaun Administrativa Espesiál Oe-Cusse Ambeno (RAEOA).

“Dadus atuál ba loron ohin nian, kumulativu teste 18.902 hein rezultadu teste 166, kumulativu kazu 69, rekuperadu 50, kazu foun 1, atuál baixa 19, rezultadu negativu 18.677, totál kuarentena 220 (Díli 128, munisípiu 102), auto kuarentena 142 (Díli 181, munisípiu 11), pasa ona kuarentena 14 dias 7.497 (Díli 6.182, munisípiu 1.315). Hakarak informa ba públiku katak, ita rejista tán kazu pozitivu iha loron 28 de Janeiro, sidadaun Timor-oan sexu maskulinu ho idade 15 anos, laiha sintoma, signifika sidadaun ne’e laiha isin-manas, laiha mear ka inus been, viajen ne’ebé mak sidadaun ne’e hala’o husi Timor ba Atambua iha loron 4 de Janeiro, ba hela semana rua iha Atambua no fila-fali husi Atambua iha 18 de Janeiro, mai toba iha Wini loron rua no tama tuir fronteira Sakato, hamutuk ho kolega na’in 7, sira na’in 8 tama mai iha fronteira Sakato no Ekipa Vijilánsia foti sidadaun ne’e ba iha fatin kuarentena ne’ebé dezignadu iha RAEOA otél Oepun. Totál ema ne’ebé kuarentena iha otél ida ne’e hamutuk 64, na’in 8 mak tama legál no na’in 54 mak tama ilegál”, Koordenadora Jerál Komisaun Nasionál COVID-19, Odete da Silva Viegas, hato’o lia hirak ne’e liu husi konferénsia imprensa iha MS, Sesta (29/01/2021).

Prezidente RAEOA, Arsênio Paixão Bano, hateten, fronteira entre RAEOA ho Indonézia ne’e Timor-oan sira kontinua tama-sai ilegál, maske pesoál seguransa sira halo seguransa iha fatin refere.

Dau-daun ne’e, Timor-oan hamutuk 64 mak okupa hela kuarentena RAEOA, tanba tama ilegál husi Nusa Tenggara Timur (NTT), Indonézia. 

“Ita akompaña sira ba kuarentena obrigatóriu no seguransa metin. Ha’u hato’o ona ba Polísia atu halo vijilánsia iha fronteira”, haktuir Arsênio.

Totál pasiente ne’ebé pozitivu COVID-19 dau-daun ne’e baixa hela iha sala izolamentu Vera Cruz hamutuk na’in 19. Husi númeru ne’e, ema estranjeiru na’in 3 no Timor-oan hamutuk 16.

MS apela ba públiku, entidade hotu atu nafatin halo vijilánsia másimu ba ida-idak nia-an, família, viziñu sira, hodi aplika medida preventiva hodi uza máskara, fase-liman bei-beik no distansiamentu sosiál. tos


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker