Vasina COVID-19 tenke prioridade ba fronteira

Prezidente Autoridade Rejiaun Administrativa Espesiál Oe-Cusse Ambeno (RAEOA), Arsênio Paixão Bano, husu ba Ministériu Saúde (MS) atu fó prioridade ba populasaun iha fronteira simu vasina COVID-19, tanba risku ba COVID-19 boot liu iha fronteira.

Nia haktuir mós katak, molok implementa programa vasina RAEOA prontu halo Mass Screening ba populasaun hotu iha semana dahuluk fulan Fevereiru, tinan ne’e, hahú husi loron 1 to’o loron 7.

“RAEOA tenke preparadu, ha’u hanoin Maliana mós tenke preparadu, Fatumea to’o Balibo no Batugade, Suai tenke tama prioridade, kuandu iha vasinasaun no hanesan Prezidemte autoridade Oe-Cusse tenke tama prioridade, liu-liu iha zona fronteira no ami servisu maka’as hodi kria kondisaun iha fronteira, para populasaun bele aman”, Arsênio Paixão Bano ba jornalista sira hafoin remata enkontru ho Primeiru Ministru (PM), Taur Matan Ruak iha Palásiu Governu, Kinta (21-01-2021).

Nia akresenta, Xefe Governu husu ba RAEOA atu koordena ho servisu sentrál, nune’e molok tama fulan 3 ou 4 antes tempu vasinasaun iha Timor-Leste, RAEOA tenke preparadu.

“Fulan 10 Timor bertahan ho lideransa Governu ne’e, MS servisu hamutuk laiha mate, ita tenke bertahan no momentu ne’e ita tenke prepara-an, moras ne’e la haree o Primeiru Ministru, Prezidente, madre ou padre, moras ne’e kona sé de’it, ita tenke preokupa, tanba ema moras tensaun, tuberculose, hepatitis barak sira ne’ebé la aguenta, ida ne’e ita tenke preokupa”, tenik Arsênio.

Entretantu totál populasaun iha RAEOA ne’ebé prontu atu tuir Mass Screening hamutuk 85.000. ida

Leave a Reply

Your email address will not be published. Required fields are marked *