JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

COVID-19: Na’in haat rekuperadu, baixa 23

COVID-19: Na’in haat rekuperadu, baixa 23

Ministériu Saúde (MS) iha Sesta (5/2) entrega tan pasiente COVID-19 na’in haat (4), kompostu husi mane ida (1) no feto tolu (3) husi izolamentu Vera Cruz ba sira-nia família, tanba rekuperadu ona husi COVID-19.

Pasiente hirak ne’e rekuperadu bazeia ba rezultadu teste laboratóriu ne’ebé hatudu negativu tu-tuir malu, nune’e sidadaun na’in haat (4) refere livre ona husi COVID-19. Entre na’in haat (4) ne’e feto ida (1) sidadaun Brazileira no na’in tolu (3) seluk Timor-oan.

“MS iha Sesta, loron 5, fulan Fevereiru ne’e, la deteta kazu foun, maibé kazu kumulativu teste ne’ebé MS kada loron update katak, totál kazu kumulativu hamutuk 19562, hein rezultadu na’in 60, kumulativu kazu na’in 80, rekupera na’in 4, kumulativu rekupera 54+4=61, kazu foun 0, atuál baixa 23, rezultadu negativu 19422, totál kuarentena ne’ebé eziste 206 (Díli 91, munisípiu 115), auto kuarentena 128 (Díli 102, munisípiu 26), pasa ona loron 14 hamutuk 7732 (Díli 6412 no munisípiu 1320). Dau-dauk ne’e ita iha pasiente pozitivu na’in haat mak rekupera na’in 23, inklui RAEOA ida kontinua baixa iha izolamentu no sira-nia kondisaun in jerál di’ak hotu laiha sintoma”, Koordenadora Jerál Komisaun Nasionál COVID-19, Odete da Silva Viegas ba jornalista sira liu husi konferénsia imprensa iha sala integradu informasaun MS Caicoli, Sesta (05/02/2021).

Nia konta, husi pasiente na’in 23 ne’ebé baixa iha izolamentu Vera-Cruz kompostu husi sidadaun estranjeiru na’in hitu (7) no na’in 16 Timor-oan.

“Kazu ne’ebé iha fulan Marsu 2020 hahú mosu to’o iha fulan Maiu, iha ne’ebá númeru kazu pozitivu COVID-19 tun depois to’o fulan tolu tu-tuir malu iha fulan Maiu nia laran hodi hakat ba Juñu ho Jullu Timor-Leste laiha kazu foun, maibé to’o iha fulan Agostu MS deteta hikas kazu foun. Kazu ne’ebé aumenta maka’as iha fim Dezembro 2020 to’o 2021, fulan Fevereiru, tama ba iha loron 5, fulan ne’e, kazu komesa sa’e, maibé ami hakarak alerta ba públiku katak, alende kazu ne’ebé ita deteta iha fatin kuarentena sira, ita mós iha kazu ne’ebé rekupera, signifika katak ema ne’ebé tama iha izolamentu konsege hetan isin di’ak fila-fali no fila ba nia família”, tenik Odete.

Koordenadora Jerál Komisaun COVID-19 ne’e agradese mós ba ema hotu nia kontribuisaun hodi kontribui, tanba dau-daun ne’e Timor-Leste seidauk iha kazu ema mate ba COVID-19. eni

Lee hotu :   ESJ 5 de Maio semana oin hahú prosesu aprendizajen

Add to Comments Here!!!!

error: Content is protected.
Secured By miniOrange
You might also like:
Timor-Leste presiza harii Supremu Tribunál Justisa

Estadu Timor-Leste dau-dauk ne’e presiza harii...

FP seidauk simu saláriu, PM husu kada ministériu rezolve

Primeiru Ministru (PM), Taur Matan Ruak,...

PNTL sei taka dalan ilegál sira iha fronteira

Polísia Nasionál Timor-Leste (PNTL) sei  asegura...

Close