JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu distribui reajente 8000-mákina PCR ba fronteira

Governu distribui reajente 8000-mákina PCR ba fronteira

Governu liu husi Laboratóriu Nasionál Saúde (LABNAS) halo ona distribuisaun reajente rihun 8, inklui mákina teste Polymerase Chain Reaction (PCR) tolu (3) ba fronteira Batugade, Mota Masin no Rejiaun Administrativa Espesiál Oe-Cusse Ambeno (RAEOA).

“Ita iha reajente rihun 8 no mákina teste PCR ne’ebé sufisiente, hodi distribui ba munisípiu rua hanesan Bobonaro, Covalima, inklui RAEOA, reajente hirak ne’e ho objetivu atu halo teste ba COVID-19, liu-liu ba ema hirak ne’ebé tama-sai ilegál husi fronteira”, Diretora Ezekutivu LABNAS, Endang da Silva ba jornalista sira iha Ministériu Saúde (MS), Sesta (05/02/2021).

Nia afirma, teste ne’ebé halo iha nasionál pesoál sira uza mákina PCR, ne’ebé ho plataforma haat, inklui mós nia reajente por volta liu rihun 30 no rihun 30 ne’e hodi halo teste kontinuasaun ba COVID-19.

“Ita mós submete ona planu rekizasaun ba kompra 2021 nian, ne’ebé LABNAS mós submete ona ba iha United Nations Development Programme (UNDP), liu husi ita-nia orsamentu Governu nian, hodi kompra reajente COVID-19 ba PCR, hodi distribui ba Bobonar, Covalima, no REAOA”, tenik Endang.

Nia konta, kona-bá lista kompra mákina teste PCR ba COVID-19, ne’e LABNAS submete ona ba iha Servisu autónomu Medikamentu no Ekipamentu Saúde (SAMES) hodi halo kompra.

“Mákina teste PCR tolu ami tau ona iha munisípiu rua, inklui RAEOA, ba ohin teste ba ema hirak tama mai ho suspeita ba pozitivu COVID-19, pesoál saúde sira halo kedas teste PCR iha fatin, ezemplu iha Oe-Cusse halo teste PCR iha ne’ebá, nune’e mós munisípiu rua seluk”, akresenta Diretora Ezekutivu LABNAS ne’e.

Entretantu dau-daun ne’e LABNAS mós iha tan teste PCR lubuk ida hodi tau ba munisípiu Lautem, Viqueque no Maubisse-Ainaro, maibé dau-daun ne’e prioridade liu ba iha área fronteira. eni

Lee hotu :   MSS hasa’e koñesimentu lider komunitaria

Add to Comments Here!!!!

error: Content is protected.
Secured By miniOrange
You might also like:
Kandidatu estudante 5.582 pasa ba UNTL no IPB

Komisaun Asesu Engresu Ensinu Superiór Públiku...

COVID-19: Na’in haat rekuperadu, baixa 23

Ministériu Saúde (MS) iha Sesta (5/2)...

Timor-Leste presiza harii Supremu Tribunál Justisa

Estadu Timor-Leste dau-dauk ne’e presiza harii...

Close