JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kandidatu estudante 5.582 pasa ba UNTL no IPB

Kandidatu estudante 5.582 pasa ba UNTL no IPB

Komisaun Asesu Engresu Ensinu Superiór Públiku (CAES-sigla Portugés), publika rezultadu finál kandidatu estudante foun ne’ebé pasa iha Universidade Nasionál Timor Lorosa’e (UNTL) no Institutu Politéknika Betano (IPB), ne’ebé selesiona husi rejime jerál no rejime espesiál.

Prezidente Komisaun Asesu Engresu ba Ensinu Superiór Públiku, Maria Filomena Lay, esplika, husi  kandidatu estudante ne’ebé tuir teste, iha de’it 5.582 mak admitidu asesa ba UNTL ho IPB, tanba hetan valór di’ak no priense rekezitu sira ne’ebé Governu fó sai.

“Rejime jerál fó oportunidade ba finalista husi Ensinu Sekundáriu Jerál (ESJ) no Ensinu Sekundáriu Tékniku Vokasionál, númeru estudante sira ne’ebé admitidu ba UNTL no IPB hamutuk 4.075, husi númeru ne’e IPB 210 no UNTL 3.865”, Prezidente Komisaun Asesu Engresu ba Ensinu Superiór Públiku liu husi konferénsia imprensa, Sesta (5/02/2021), iha salaun  INFORDEPE, Balide-Díli.

Maria Lay, hatutan, ba iha rejime espesiál iha kategoria haat ne’ebé durante ne’e komisaun estabelese hanesan kategoria oportunidade no kategoria veteranu no martir nia-oan, inklui kategoria sira seluk.

“Rejime espesiál ho kategoria oportunidade fó biban ba sidadaun Timor-oan ne’ebé remata tiha ona Ensinu Sekundária iha tinan 4 ba kotuk ne’ebé admitidu iha UNTL no IPB hamutuk 457, husi númeru ne’e UNTL 422 no IPB 35, kategoria veteranu no martir nia-oan ne’ebé admitidu iha UNTL no IPB 681, husi númeru ne’e ba UNTL 661 no 20 ba IPB, kategoria hakbi’it fó biban ba ema kbi’it laek ne’ebé admitidu hamutuk 248, UNTL 228 no IPB 20, ba kategoria sira seluk husi rejime espesiál ne’ebé admitidu 121 ba UNTL 106 no ba IPB 15”, dehan Prezidente Komisaun Asesu Engresu ba Ensinu Superiór Públiku ne’e.

Entretantu ba kandidatu hirak ne’ebé hakarak haree rezultadu finál lista naran kandidatu ne’ebé admitidu, sei divulga husi website sira hanesan website Governu RDTL, website MESSC, website UNTL, pájina Facebook MESCC, pájina facebook UNTL no pájina Facebook IPB. jen

Lee hotu :   MS mantein estabelese fatin izolamentu iha área fronteira

Add to Comments Here!!!!

error: Content is protected.
Secured By miniOrange
You might also like:
COVID-19: Na’in haat rekuperadu, baixa 23

Ministériu Saúde (MS) iha Sesta (5/2)...

Timor-Leste presiza harii Supremu Tribunál Justisa

Estadu Timor-Leste dau-dauk ne’e presiza harii...

FP seidauk simu saláriu, PM husu kada ministériu rezolve

Primeiru Ministru (PM), Taur Matan Ruak,...

Close